妹豬無激素雞專門店 (Closed)

最近行過駱駝漆，見到間無激素雞專門店，估唔到幾好味。🥢萬煮玫瑰油雞飯$88+$6 永樂全蛋伊麵佢哋用低溫慢煮，鎖住咗雞肉嘅鮮味，啖啖都咁嫩滑。豉油雞味道唔算好濃，唔會遮蓋咗雞肉本身嘅甜味。雞皮好爽滑，就算平時唔食雞皮都忍唔住食晒。佢差唔多係我食過最好食嘅油雞😽。伊麵幾有口感，永樂嘅出品果然有保證。加多少少木魚碎味道更加豐富。佢哋仲有附送花生眉豆木瓜冇激素雞老火湯，又甜又足料🤤。📍妹豬無激素雞專門店 (觀塘)觀塘開源道60號駱駝漆大廈3座2樓E1室