Farmer's Cooking (Closed)

有時午餐想食素就會諗起Farmer's Cooking，佢哋上水有自家農場，所以用好多新鮮蔬果入饌。每日會有四款午餐，兩款素食、兩款有肉，品同人都可以「各取所需」，仲會因應季節而不定期轉換菜式。另外，只要光顧午餐，就奉送全素餐湯及飲品，全部都係小店自己煲煮，試過有雪梨茶、羅漢果茶等等，健康又美味。豆腐扒、木耳、本地蔬菜雜錦、自家醬油配麥米飯 $68色彩繽紛嘅午餐，豆腐扒有香濃豆味，南瓜煮至軟腍，加埋木耳、蔬菜、鷹咀豆等等，營養好豐富，食完都好飽。薑燒汁雞柳、本地蔬菜雜錦、黃薑鷹咀豆　麥米飯碗加溫泉蛋 $95賣相同樣好吸引，選用無荷爾蒙及抗生素的雞肉，雞肉好嫩又有肉味，仲加咗少少燒汁調味；溫泉蛋用本地雞蛋，有好香的蛋味，除咗唔同蔬果，特別提有仲有木瓜，好清甜！全素餐湯現場仲有純素香蕉小蛋糕，食素的人可以買走慢慢食。