Video
Read full review
2012-09-22
794 views
晏晝去左東廣場Bubble Tree叫外賣,其實觀塘工業區仲有好多更加平靚正嘅選擇, 揀Bubble Tree係因為餐點比較健怡, 有蔬菜沙律附餐,唔可以餐餐做食肉獸架ma, haha~~叫左蟹籽, 露荀配煙三文魚伴香蒜橄欖油寬條麵套餐, 包一小份蔬菜沙律, 另加左5蚊轉凍朱古力. 好豐富而又均衡的一餐!蔬菜沙律- 蔬菜好爽脆, 一食便知用料新鮮 (依間野下午算好多人食, 常理上人流多自然食物流量都一樣快, 唔怕食物唔新鮮), 醬汁是千島醬. 惟沙律分量太少.露荀配煙三文魚伴香蒜橄欖油寬條麵- 露荀新鮮爽嫩, 煙三文魚不太鹹,有鮮味, 只是份量如果再多一點點會更好. 附上蟹籽增加口感. 意粉內的洋蔥切得細碎, 口感佳 (唔知係咪有機器切) 寬條麵爽口彈口有咬口, 正合我心! 雖然沒有醬汁, 只有洋蔥, 蒜頭的味道. 但仍然不覺得淡. 整體上非常清新. 凍朱古力像吉X利即沖朱古力粉的味道, 跟茶餐廳叫的凍朱古力沒兩樣, 只是加了點cream. 我之前仲幻想會好似Godiva Chocolixir咁有驚喜, 咁正添, 我係味諗多左?雖然$45一餐午餐對於一個慳家妹黎講有丁點兒貴, 但係心理
其實觀塘工業區仲有好多更加平靚正嘅選擇,
揀Bubble Tree係因為餐點比較健怡, 有蔬菜沙律附餐,
唔可以餐餐做食肉獸架ma, haha~~
叫左蟹籽, 露荀配煙三文魚伴香蒜橄欖油寬條麵套餐, 包一小份蔬菜沙律, 另加左5蚊轉凍朱古力. 好豐富而又均衡的一餐!
蔬菜沙律- 蔬菜好爽脆, 一食便知用料新鮮 (依間野下午算好多人食, 常理上人流多自然食物流量都一樣快, 唔怕食物唔新鮮), 醬汁是千島醬. 惟沙律分量太少.露荀配煙三文魚伴香蒜橄欖油寬條麵- 露荀新鮮爽嫩, 煙三文魚不太鹹,有鮮味, 只是份量如果再多一點點會更好. 附上蟹籽增加口感. 意粉內的洋蔥切得細碎, 口感佳 (唔知係咪有機器切) 寬條麵爽口彈口有咬口, 正合我心! 雖然沒有醬汁, 只有洋蔥, 蒜頭的味道. 但仍然不覺得淡. 整體上非常清新.
凍朱古力像吉X利即沖朱古力粉的味道, 跟茶餐廳叫的凍朱古力沒兩樣, 只是加了點cream. 我之前仲幻想會好似Godiva Chocolixir咁有驚喜, 咁正添, 我係味諗多左?雖然$45一餐午餐對於一個慳家妹黎講有丁點兒貴, 但係心理上會覺得今日健康左(笑~~)
繼續支持有heart而對健康無負擔的小店!!!
Post
