杏甜品 (豉油街) (Closed)

開始踏入四月喺旺角行街真係好熱好多人，行到身水身汗見到呢間舖頭啱啱開門有位我就即刻入去坐，嘆個甜品坐低抖一抖。見到餐牌原來呢間啲甜品都比較健康，同埋都幾有特色，我叫咗個合桃露加啫喱凍的東西，合桃露好香，本身合桃露應該係熱嘅，但果凍應該係凍，所以兩樣嘢撈埋一齊會變咗微暖嘅感覺，夏天食又唔會好熱，最重要係唔太甜，我鍾意。小朋友就叫咗綠茶湯圓，我從來都冇食過，原來綠茶都可以整成湯圓，但味道又幾特別，湯圓皮煙煙韌韌，小朋友都好鍾意食。最後出邊實在太熱，我哋叫咗杯嘢飲一路行一路飲，呂宋芒果椰汁珍珠，佢用嗰啲珍珠唔會好似台式飲品店咁咁甜，係白色的，成杯嘢飲都好濃芒果味而且椰汁好香，好好味，我同小朋友一路一街一路爭住飲。😂😂