Video
Read full review
2021-02-10
91 views
一向有幫襯開康怡廣場嘅「alfafa」，餐廳主打歐陸風味輕食，以健康為原則，主張選用優質天然食材，所以食物好啱我同屋企人口味。最近瀏覽網頁得知品牌喺中環華懋廣場 2 期開左間「alfafa Café」，趁今日嚟開附近做嘢，特意過來吃頓午餐。咖啡店嘅門面好搶眼，紅底白字招牌，再配上一室橙黃紅色嘅裝潢，予人年輕又充滿活力的感覺。餐廳採半自助形式，客人需先去收銀處點餐 or 用手機落單，店員隨後會將食物送上。我哋點左兩個套餐，Seasonal Stew 同 alfafa Café Set，另外再加左兩客甜品。紅酒汁燴牛尾 ($88) 可以自選 1 款配菜，有白飯、意粉或薯蓉可供選擇。牛尾肉質好鮮嫩，腍滑得來又有咬口，而且燜得很入味，帶豐富蛋白質和骨膠原，加上分量亦不少，足足有成 6、7 件，食完都幾飽肚。套餐 +$13 可加配精選餐湯或 alfafa 超級沙律一客，是日餐湯為雜菜湯，送上來時還附有餐包，麵包外皮好脆，內心柔軟有彈性。至於另一客大西洋鱈魚柳及有機鮮蘑菇照燒炒意粉 ($92) 亦好有驚喜，成品選用了環保海鲜：大西洋鱈魚柳炮製。魚柳肉質嫩滑，雪白又濕潤，入口啖啖肉 。意粉炒得夠
最近瀏覽網頁得知品牌喺中環華懋廣場 2 期開左間「alfafa Café」，趁今日嚟開附近做嘢，特意過來吃頓午餐。
咖啡店嘅門面好搶眼，紅底白字招牌，再配上一室橙黃紅色嘅裝潢，予人年輕又充滿活力的感覺。
餐廳採半自助形式，客人需先去收銀處點餐 or 用手機落單，店員隨後會將食物送上。我哋點左兩個套餐，Seasonal Stew 同 alfafa Café Set，另外再加左兩客甜品。
紅酒汁燴牛尾 ($88) 可以自選 1 款配菜，有白飯、意粉或薯蓉可供選擇。牛尾肉質好鮮嫩，腍滑得來又有咬口，而且燜得很入味，帶豐富蛋白質和骨膠原，加上分量亦不少，足足有成 6、7 件，食完都幾飽肚。
套餐 +$13 可加配精選餐湯或 alfafa 超級沙律一客，是日餐湯為雜菜湯，送上來時還附有餐包，麵包外皮好脆，內心柔軟有彈性。
至於另一客大西洋鱈魚柳及有機鮮蘑菇照燒炒意粉 ($92) 亦好有驚喜，成品選用了環保海鲜：大西洋鱈魚柳炮製。魚柳肉質嫩滑，雪白又濕潤，入口啖啖肉 。意粉炒得夠乾身，火喉掌握得很不錯，質感煙韌，配上可提高免疫力嘅有機蘑菇，健康又美味。
跟餐送熱飲，有鮮磨咖啡、錫蘭奶茶、檸檬茶、檸檬水、有機茶、伯爵茶、英式早餐茶及汽水等供應，選擇好豐富。
甜品點了柚子芝士蛋糕 (+$26) 同 焗軟心朱古力蛋糕配雪糕。芝士蛋糕味道非常清新，充滿柚子嘅芳香，加上面頭以柚子皮作點綴，入口酸酸甜甜又帶一點苦，開胃解膩。
焗軟心朱古力蛋糕配雪糕 (+$31)，蛋糕即製即焗，送上來時仍熱騰騰。輕輕切開，半溶的朱古力漿即時滲出，朱古力味道極濃郁，再配上一球冰凍的雪糕，實在令人非常滿足。
Post
