放下素 (Closed)

偶爾茹素未嘗不可，尤其是現代素食可以好好味，不過有些齋菜，其實用了化學材料令其更有肉感及好看，若然真的為了健康吃素，就要識得揀。今日與媽咪去了新開不久的「放下素」，據說對材料的採用非常堅持，只用天然食物及以少糖少油烹調，其實更考大廚功力。難得平民價錢，午市自助餐$100以下，晚上都只不過$108/$138。每場至少有80種不同選擇，中式為多西式同樣吸引。進店先見沙律吧，算一算，廿五款蔬果的選擇，特色是沙律菜不多反而果款豐富，而且仲可以DIY配涼粉。而我最欣賞的就是第26款，自製果乾，坊間未見過。蔬菜不止生的，冰鎮菜心及秋葵，新鮮翠嫩，原味奉上亦夠甜。涼拌萵筍及青瓜木耳皆非常爽脆。全店最吸睛的非蘇格蘭蛋莫屬，外殻換上紫薯，口感有點脆、味道有點甜，很容易取得女生的心。    熱身之後，我建議自製一個漢堡品嚐，經過麵包機烘脆的漢堡包出奇的有水準，配合酥脆多汁漢堡扒、脆的菜蔬及甜的果點，最後配上醬汁，自己揀的怎會不滿意！千祈不要錯過拿破崙薄餅，餅皮超薄極脆，想不到蕃茄醬汁調得酸香味討好，喜出望外！旁邊的墨西哥薄餅極辣，唔知道係咪真係用墨西哥辣椒，有勇氣的必吃。其餘中式食品，粉麵飯、豆腐、小