Green Common (將軍澳中心) (Closed)

平時經過呢間素食都好吸引，雖然地方唔算大，但感覺都幾舒服，加上裝修真係幾靚，難得有朋友來到，就入去試一試。其實我唔從好肚餓，揀來揀去見到有個兒童餐好似唔錯，不過唔知有冇限年齡，因為有d食店唔比成人叫兒童餐ma最後都照叫。叫左個彩虹變變變+野菌湯。野菌湯味道香濃，不錯。彩虹變變變的賣相十分驚艷，佢既碟係好似米奇形狀，加上七彩顏色，外貌完全係爆分。佢主要係藜麥+乾果/蔬菜/水果，藜麥係我第一次食，淡淡地，一定要加埋topping一齊食。另外個兒童餐有個小食同甜品。甜品睇落似Jelly，但食落係水狀，食唔出到底係咩黎。唔理個疑似jelly，成個兒童餐都唔錯。食完感覺成個人都健康左