一心素食 (Closed)

好耐冇黎過一心素食食野, lunch 時段十分多人，呢到主打素食菜式，岩晒健康生活既人,係街食飯最怕太油太唔健康,但呢到既菜式全部都係素食,煮既方法都好健康。我揀左個雲耳鮮蔬酸辣湯米粉$49，有包湯，飲品及前菜，可以轉清湯，岩晒食唔到酸辣既我。一睇就知十分吸引，有唔少菜既款色，花椰菜，球蘭花，雲耳，紅羅白，豆卜，豆腐粒，乜都有。清湯唔係純清湯，亦有濃郁的湯底，米粉吸晒湯幾好味。健康沙律盒$24加左個沙律菜，冇傳統沙律醬咁濟，加左醋調味，酸酸甜甜好開胃呢!