大自然素食

Open Now

Now Closed

今日老豆約左朋友出去食素，跟住問我去唔去試下，而我今日又冇乜野做，所以跟米出去，偶然食翻餐健康餐都好😌我平時都冇點食素，對呢方面都冇要求，所以食乜都冇所謂，我乖乖地坐係度等食得啦😆上菜速度都算快，最先黎左個刺身拼盤🍣估唔到素食都可以做到有模有樣，仲要配上醬油同芥末👍🏻不過口感我就覺得一般般，唔係好啱我口味，之後仲上左個片皮鴨🦆新鮮滾熱辣送到，不過就覺得有啲乾身，唔係特別好食，醬汁還算可以。覺得最好食係牛油果🥑焗多士🍞香脆可口，越食越想食😋，之後仲有魚翅蛋白炒飯，真係估唔到宜家啲素食都做得幾好下，仿真度都高，創意唔錯。