Helfit Deli (Closed)

前幾曰同朋友睇戲前，行咗去Sogo超市想買個午餐食，發現原來sogo 低層裝修後，多咗好多新嘅小食外賣店。我同朋友試咗Helfit Deli外賣店，佢主打健康飲食，有包類、沙律、新鮮果汁，全部都係註冊營養師設計，食得健康又放心。我同朋友叫咗個低卡招牌龍蝦包，足足有六吋長，龍蝦肉份量很足，非常爽口同鮮甜，而且佢地用咗三低醬，又低卡又好食。另外麵包非常鬆軟，好味道。點多份菠蘿沙律來share，味道超鮮甜多汁，好好食，好fresh 果汁可以自選兩款口味，我選咗蘋果溝西柚，酸酸甜甜，好好飲又解渴。朋友點咗杯牛油果香蕉沙冰，朋友話第一次飲牛油果配香蕉沙冰，佢話味道好清新，牛油果同香蕉很夾。