新蒸武門 (Closed)

觀塘不嬲出名多工廠大廈，今日去左新地鐵站既「新蒸武門」，是在駱駝漆大廈里邊！平日既晚上也全店爆滿，甘好生意既！我和友人叫了3個小菜同是日燉湯！一坐低就上左個樂靚既8寶茶，入面有菊花紅棗杞子等！好似幾養生甘wor!首先上左既係「翠玉瓜雲耳炒百合」，清清地， 冇落味精，仍有我很愛既新鮮百合，健康之選！仍有家常便飯既味道！之後上既係「乾燒明蝦」是$178有齊6大隻！炸到脆卜卜甘，外面是有少少辣，都可以接受！蝦是新鮮既好有肉味！仲有「紅棗杞子荷葉蒸雞」$98，估唔到份量好多，應該係有半隻，但令我驚訝既係好入味，雞肉滑嫩，底下仲有粉絲把雞既精華吸晒，送飯一流！整體都好滿意好美味，成日怕出街會食得好油，宜家覺得出街都可以好健康又美味！