公和荳品廠

Open Now

Now Closed

堂食既話好方便嫁，每張枱都有筆同點餐紙，揾位坐低，用筆填好點餐紙然後交俾姐姐就可以等食。黎公和荳品當然要食各類荳製品啦，除左傳統既煎釀荳腐、荳朴、荳漿、腸粉等，每枱必點既一定係荳腐花，熱同凍都一樣甘好味，個人推薦無糖熱荳花，有糖同無糖既分別係加唔加糖水，但係枱面會有一大罐黃糖比客人自己加，又熱又滑既荳腐花加埋少少融既粒粒脆黃糖，口感好豐富，好令人滿足！呢度仲有薑汁荳腐雪糕，雪糕既荳味好濃但又唔會過甜，薑味糖漿唔太辣同嗆，我諗應該係要就返小朋友都食到。