太陽花 (Closed)

今日去左屋企附近新開嘅茶餐廳食早餐。餐廳唔算大，得幾張枱。但係坐得舒服，唔似一般茶餐廳咁擠迫。早餐選擇不多，有all day breakfast同其他3個餐。我食左個番茄牛肉米早餐，意外地個米粉ok大份，番茄湯好濃郁，牛肉份量夠同埋有d洋蔥喺入面。我食到連湯都清埋。個餐包埋一塊多士同腸仔蛋。條腸仔唔太油，隻蛋比平時食夠味。問過老闆娘先知佢地用本地農場蛋。所以新鮮d。老闆娘仲推介左個太陽花果凍比我，我見10蚊就試下啦。一開就有好香菊花味，見到有龍眼杞子喺入面。個果凍唔甜，食落味道好清新同解渴。好適合夏天食同做飯後甜品間餐廳出餐唔。出餐唔快，但係野食唔油膩，有屋企嘅味道。比一般茶餐廳健康好多。廿幾蚊有咁嘅質數真係抵。