Royal Delights (Closed)

上次已經推薦過帝京新餅店Royal delights，食過翻尋味，今次試下買一個蛋糕試下。喺鬼馬蛋糕，新promotion 愛麗絲夢遊仙境系列同主打健康嘅蛋糕之間，我當然選擇咗後者。純素紅桑子朱古力撻  ($380)，睇個樣完全估唔到唔算太甜而且又好食，師傅用上米粉代替麵粉，你以為蛋糕一定有好多牛奶同雞蛋之類的肥仔食材，錯了。其他食材如無糖朱古力，以果膠製成嘅濃郁紅桑子果蓉、有機無糖豆乳忌廉、仲有冇杏仁奶造嘅奶油巧克力醬，聽陣容已經知完全唔係平時嗰回事。呢個蛋糕亦都無任何麩質及添加糖分，基本上一定食得健康，就算食成個都無罪惡感，質感同平時食嘅蛋糕又真係唔大分別，喺而家識得越嚟越健康嘅潮流下，呢個絕對下次係慶祝生日嘅選擇。