Burger Mix (Closed)

放假，買左漢堡coupon, 屋企附近，當散步行下，吾算難搵，但系就真系只可做銜方生意，在小街，冇乜人流，怪不得明明漢堡主打都要做埋茶記早餐同下午茶。裝修幾特別，有一盞大水晶吊燈，氣派加分。團購買了2份×$55黑松露安格斯漢堡，附薯格及熱飲。侍應EE好有禮貌，招呼我地坐低，對面有班年青人話要調檯，侍應EE年紀起馬5O+，主動替班年青客搬檯拍埋少檯，侍應EE一流。漢堡即叫即整，等左10多分鐘到。漢堡包新鮮軟熟，微微烤熟，芝麻香味和暖暖的包感增加食慾。新鮮番茄厚切，原塊芝士可呃稱，沙律醬混多多黑松露，彼此配合味道提昇，最怕低價黑松露腥臭味，呢度冇！安格斯牛大大塊，頭啖有小小筋，年味和黑松露配搭不錯，整體好滿意，$55你仲想點，小店的確有誠意有良心。薯格超大盆又大大件，外皮非常香脆可口，水份又保存鎖住裡面，一流，有酒店水準。飲品有熱桃汁蜜桃汁揀，若有多D選擇更好。呢個餐用團購買，省下最多只有$10，就算原價都扺食。