Kelly's Cape Bop (Closed)

時常聽到人講: 愈健康愈難食。今次就嚟打破大家呢個觀念，美食都可以食得健康👍🏻呢間韓式外賣小店主打營養健康飯卷，連續五年榮獲米芝蓮推介之街頭小食。牛肉紫菜飯卷$70🐮五顏六色，賣相已經好吸引，而且餡料豐富，有紅蘿蔔，牛蒡，酸蘿蔔，青瓜同蛋絲，蔬菜嘅份量佔咗一半，食落清甜爽脆，有種好清新健康嘅感覺。除咗白飯之外，仲可以選擇黑米飯同無飯(用蛋絲代替)。附送兩款前菜，泡菜蘿蔔絲同醃黃蘿蔔，酸酸甜甜帶點微辣，口感爽脆。10件飯卷，份量剛剛好係健康午餐之選。