樸生 (Closed)

今日路經青衣城見到有一間新開嘅韓國餐廳，裝修幾靚仔，而且係分兩邊，一邊係素食半自助餐，一邊就係好特別嘅韓國野。對於我呢個食肉獸，當然就係揀散叫果邊。打開menu，好多選擇，咩都可以自己揀。先點個傳統石頭鍋飯，揀左春川辣雞，仲可以加配其他配料，我地就加左粟米同菠菜。韓式傳統又點會少得炒粉絲呢，所以叫左個豬肉炒粉絲呢D澱粉質嘢。潮流興食炸雞，我地都叫返一座炸雞山先（青檸牛油果麻藥炸雞），再加一個泡菜芝士豬肉卷，同埋一個牛蒡凍豆腐。食咁多炸嘢，飲品就叫返杯健康嘅羽衣甘藍沙冰。（沙冰應該都係健康，除非唔係）順帶一提,素食區要戴一條藍色絲帶先可以入去,不過入面選擇真係幾多石頭鍋飯熱辣辣，再加韓式辣醬，撈一撈，攪一攪，非常好味，咁多蔬菜好健康。醬油蟹唔會太濃味，味道啱啱好，好多蟹膏，而且都幾肥美，其實好好味，好邪惡。極度邪惡嘅炸雞山出場。炸雞外脆內滑，牛油果醬好特別，帶少少酸味，同炸雞好配合，根本唔洗再點佢配嘅韓式辣醬，己經好夠味。青檸牛油果麻藥炸雞泡菜芝士豬肉卷其實外面係腐皮，裡面有芝士泡菜豬肉，非常好味，腐皮好脆，裡面仲有肉汁同芝士，唔會好乾。鍾意食辣嘅，可以點埋辣醬，更加惹味