新蒸武門 (Closed)

呢排日日都出街食，食得多味精嘢有時都想返屋企食啲家常便飯，但係香港人實在太忙喇，呢啲機會都真係唔多🥺。難得今日搵到一間無添加，似足家庭菜嘅餐廳，一定要介紹畀大家 👍🏼。🌸新蒸武門🌸喺觀塘駱駝漆大廈入面，裝修好光猛，比人輕鬆舒適既感覺。一坐低侍應就幫我哋每人焗咗一杯八寶茶🍵，入面有菊花杞子山楂等等，味道回甘，感覺好養生。今次嘅晚市燉湯係姬松茸燉豬展。平時都冇乜湯水飲嘅我一定要叫返一盅試下🤤。 個湯熱辣辣用燉盅上 ，十分足料，飲落去有濃濃嘅姬松茸味道 ，仲有好多蟲草花瘦肉等等十分足料。味道同屋企燉嘅一樣唔會落味精。平時多肉少菜今晚就想食多啲蔬菜🥦。我哋嗌咗翠玉瓜雲耳炒百合同埋時菜炒龍躉球 。雖然兩碟都係炒嘢，但係唔會話好多油。果然同個湯一樣佢唔會落好重嘅調味料，所以食到嘅都係食材嘅原味道為主🙂。真正食到蔬菜嘅甜味同埋魚嘅鮮味 。因為同行嘅朋友比較重口味，所以我哋要多咗個鎮江豬軟骨去調劑一下。豬軟骨炆得好林，甜甜酸酸好惹味， 配合另外兩度清淡啲嘅餸就啱啱好😍。估唔到喺工廈都有住家飯食，真係夠曬方便😋。