Video
Read full review
2024-12-09
14 views
「酮福堂」將健康理念融入日常飲食，令你可以喺享受美食之餘，仲食得健康無負擔。今次專程嚟到佢地新開嘅店舖－位於柯士甸站 戲曲中心出口嘅「酮福堂 x 餇茶號」，有幾款產品真係值得推介俾大家！！「餇茶號」主打無糖、低碳嘅生酮飲品同小食，雖然店鋪唔算大，但除咗有即叫即做嘅熱食區，仲有幾個專櫃介紹生酮飲食同埋賣生酮零食＋包裝食品。1️⃣ 生酮海鹽開心果芝士奶蓋抹茶拿鐵（＄48）茶底唔會太甜，有淡淡嘅抹茶香，上面一層芝士奶蓋非常香滑，鹹甜平衡得好好，底下仲有啲開心果碎口感層次更盛，成杯飲哂非常滿足但零罪惡感，呢杯latte啱哂鐘意飲奶蓋但又怕肥嘅人，係我最最最鐘意嘅一杯飲品！2️⃣ 生酮百香果菠蘿香橙水果茶（＄43）茶底用咗四季春，茶香清新，入口帶有少少回甘。果茶自帶百香果同菠蘿香橙嘅酸甜，水果味都算突出，唔係人工果糖漿個種假味。不過如果你係平時飲開半糖／全糖嘅話可能會覺得呢杯水果茶唔夠甜。3️⃣ 生酮芝士火腿飛碟三文治（＄24）呢個飛碟三文治係用咗酮福堂自家研發嘅無糖無麵粉方包，入面餡料有芝士同火腿，焗完之後真係做到外層香脆內層鬆軟。同普通三文治嘅口感＆味道都非常相似！4️⃣ 生酮奇亞籽高纖蛋白方包一打開包裝就
「酮福堂」將健康理念融入日常飲食，令你可以喺享受美食之餘，仲食得健康無負擔。今次專程嚟到佢地新開嘅店舖－位於柯士甸站 戲曲中心出口嘅「酮福堂 x 餇茶號」，有幾款產品真係值得推介俾大家！！
「餇茶號」主打無糖、低碳嘅生酮飲品同小食，雖然店鋪唔算大，但除咗有即叫即做嘅熱食區，仲有幾個專櫃介紹生酮飲食同埋賣生酮零食＋包裝食品。
1️⃣ 生酮海鹽開心果芝士奶蓋抹茶拿鐵（＄48）
茶底唔會太甜，有淡淡嘅抹茶香，上面一層芝士奶蓋非常香滑，鹹甜平衡得好好，底下仲有啲開心果碎口感層次更盛，成杯飲哂非常滿足但零罪惡感，呢杯latte啱哂鐘意飲奶蓋但又怕肥嘅人，係我最最最鐘意嘅一杯飲品！
2️⃣ 生酮百香果菠蘿香橙水果茶（＄43）
茶底用咗四季春，茶香清新，入口帶有少少回甘。果茶自帶百香果同菠蘿香橙嘅酸甜，水果味都算突出，唔係人工果糖漿個種假味。不過如果你係平時飲開半糖／全糖嘅話可能會覺得呢杯水果茶唔夠甜。
3️⃣ 生酮芝士火腿飛碟三文治（＄24）
呢個飛碟三文治係用咗酮福堂自家研發嘅無糖無麵粉方包，入面餡料有芝士同火腿，焗完之後真係做到外層香脆內層鬆軟。同普通三文治嘅口感＆味道都非常相似！
4️⃣ 生酮奇亞籽高纖蛋白方包
一打開包裝就聞到好香，就咁食又得，好似我咁加蛋同火腿(熱食)，或者加三文魚同波菜(凍食)又得，味道仲更加豐富！（方包本身切開咗，超方便！）
呢款方包標榜低碳水、高纖維、高蛋白質，可以促進消化系統健康嘅同時，仲能夠keep住飽腹感，相對冇咁容易肚餓，同時富含Omega-3天然成分增強心血管健康！
5️⃣ 生酮港式檸茶
呢款港式檸茶用咗赤蘚糖醇代替傳統糖漿，甜味自然得嚟仲係零碳＋零卡路里。平時去茶記叫檸茶，叫少甜仲係好甜，但叫無糖又太澀，而呢個檸茶茶底夠濃甜度啱啱好，所以係我其中一個推介～！
「酮福堂 x 餇茶號」無論係飲品定包裝食品質素都非常唔錯，雖然主打健康同低碳飲食，但完全冇犧牲到味道，如果有興趣想試下無負擔嘅健康飲食，或者推介畀關注血糖、減肥嘅朋友，可以嚟「餇茶號」了解下～
Post
