真．奶 (Closed)

喺元朗食完飯出嚟，無意中發現到呢間飲品，係人氣b仔隔離，但呢間茶飲店就冇人，睇menu都唔錯，好多嘢揀。有乳酪奶、水果茶、烏龍茶等等，而且價錢唔貴，就試吓啦。揀咗小粉紅 - 士多啤梨乳酪奶，大杯size $42算ok可接受。本身驚佢會好似沙冰咁，好彩唔係，係好smoothie，好濃士多啤梨味，但唔會好甜，都好香奶味同乳酪味，各樣味道都適中。而且高纖又有益生菌，健康。唔鍾意太甜可選健康代糖，鮮奶敏感可轉植物奶，好貼心，唔洗怕肥或者怕肚柯，我本身都算腸胃敏感，照飲咗乳酪奶好彩都冇事。