六和素食 (Closed)

星期四午市朋友話要食健康D，帶我去銅記食新潮素菜，果然有驚喜。先叫個出名的牛油果天香卷，其實係素壽司，真係一反素菜傳流，fusion摩登得來，睇得又食得。有益鮮綠色的牛油果切片鋪面，內裡薄薄一層日本手卷米飯混和了日本米醋，有咬口之餘有飽肚感又醒胃，加入了新鮮蘿蔔苗及小黃瓜做配料，口感爽脆，食得健康輕盈無犯罪感。再來炒米粉。看上似韓式玻璃米粉，咬落超爽口乾身彈牙，有D似台式QQ粉，有小小菜及素肉在內，好食到三扒兩撥不消幾分鐘二人合力吃光了一整碟。也叫了椿菜炒飯，用石頭窩上，熱騰騰的端上檯，飯粒飽滿分明，素肉味道似足午餐肉，加上韓式辣椒醬，惹味無窮。