好茶養生 (MOKO新世紀廣場) (Closed)

天氣熱辣辣, 成日會心思思想飲凍嘢同食雪糕, 經過 ❥⧽好茶養生 ❥⧽, 真係可以一次過滿足曬2 個願望。店舖以灰色, 雲石紋為主, 走優雅路線, 有一半位置可以坐低飲嘢, 另一半就擺賣茶類產品。𓊈蜜桃茶 $𝟛𝟞𓊉 平時飲嘢真係好怕太甜, 呢度嘅蜜桃茶可以揀甜度, 少甜真係清清地, 我好滿意呢個甜度, 茶味同蜜桃味互相配合, 喺底仲有2 片新鮮蜜桃, 好味!𓊈青蘋果青檸茶 $𝟛𝟞𓊉 一飲呢杯青蘋果青檸茶, 就令我諗起綠色+透明嗰隻蛇仔糖, 感覺好得意, 即使無揀少甜, 味道都唔會太漏, 好解渴。𓊈茉莉綠茶意式雪糕 $𝟛𝟚𓊉 意式雪糕嘅牛奶同忌廉含量比普通雪糕低, 相對地比較健康, 綠茶味道濃厚, 口感順滑。𓊈焙茶意式雪糕 $𝟛𝟚𓊉 焙茶味道香濃, 揀咗脆筒, 脆卜卜, 連埋一齊食真係幾好食, 絕對唔會太甜太漏。✧✧ 整體飲品同雪糕都好好呀, 飲完/ 食完都唔會有罪疚感, 又可以慢慢坐 hea 吓, 真係唔錯!