Video
Read full review
2016-01-09
956 views
差唔多每次飯聚都總係差一兩個既我地喺2016年終於可以full team上陣，嚮呢間位於銅鑼灣名店坊既「EAT.it Italy Eatery」聚一聚。一開始聽到「銅鑼灣名店坊」既地址之後本來都諗住應該係諾士佛臺既連鎖店之流，點知居然喜出望外！餐廳位於街尾既Pacific Coffee隔離，果種位處繁囂都市難得一見既寧靜感覺喺熙來攘往銅鑼灣真係買少見少！呢度主打健康有機食品，非常注重食物既營養價值。當晚所見，大部份既店員都係「英文人」，而且有好幾位都係操濃烈意大利口音英文既外國人。由於呢度既menu淨係得英文，所以如果英文只係「有限公司」既朋友要留意呀！唔知係咪因為咁，當晚大部份既客人都係外藉人士或者以英語為母語既亞洲人為主。同一般「sit down service」既餐廳唔同，呢度採用「記賬咭」半自助模式，每個人入黎既時候都會獲派一張咭，想order既時候只要俾張咭店員記低喺電腦入面就可以，非常快捷方便，唔駛喺每次遊走不同食物既corner時逐次俾錢，費時失事。每次order完之後店員會俾個號碼牌你，當食物ready時會直接送去你個位度，唔駛企喺度等啱晒我呢D懶人，哈哈！Truffl
呢度主打健康有機食品，非常注重食物既營養價值。當晚所見，大部份既店員都係「英文人」，而且有好幾位都係操濃烈意大利口音英文既外國人。由於呢度既menu淨係得英文，所以如果英文只係「有限公司」既朋友要留意呀！唔知係咪因為咁，當晚大部份既客人都係外藉人士或者以英語為母語既亞洲人為主。
同一般「sit down service」既餐廳唔同，呢度採用「記賬咭」半自助模式，每個人入黎既時候都會獲派一張咭，想order既時候只要俾張咭店員記低喺電腦入面就可以，非常快捷方便，唔駛喺每次遊走不同食物既corner時逐次俾錢，費時失事。每次order完之後店員會俾個號碼牌你，當食物ready時會直接送去你個位度，唔駛企喺度等啱晒我呢D懶人，哈哈！
Truffle Tuna Salad ($98)：上枱時已聞到好濃烈既truffle味。紅紅既吞拿魚加埋翠綠既蔬菜同埋伴碟既橙色蘿蔔絲正好交織出一幅美麗既圖畫，藝術感十足！沙律菜方面亦都非常新鮮，充滿着田園風味，唔似坊間好多標榜有機，卻往往交「黃黃地」既所謂有機蔬菜行貨、「掛羊頭賣狗肉」之流既餐廳。呑拿魚方面亦都分量十足鋪滿晒小小既碟上面，整體感覺有D似日本既魚生不過口感卻更solid。
Truffle Tuna Salad
$98
24 views
0 likes
0 comments
Salsiccia
$138
81 views
1 likes
0 comments
Bismark ($48)：用左煙肉同埋溏心蛋既pizza fusion感十足，好似日式既流心半熟蛋放喺pizza上面真係正到爆！
Bismark
$48
42 views
0 likes
0 comments
Sfiziosa ($44)：呢個素食之選用左蘑菇、南瓜片等等既材料。作為食肉獸既我一開始都只係抱住「一試無妨」既觀望心態，點知整體出黎既感覺卻非常清新，因為無用到肉類所以整體黎講唔算油膩，非常適合注重健康既人！
Sfiziosa
$44
33 views
0 likes
0 comments
Citrus Soda方面都算唔錯，不過整體口感好似甜左D，下次有機會可以試下其他飲品。
Grapefruit溝Apple 既fresh juice
$48
27 views
0 likes
0 comments
Tiramisu同埋Lemon Meringue
$45
20 views
0 likes
0 comments
總括黎講，呢度整體用餐體驗非常之好。雖然只係半自助形式，但我都感受到佢地真係用心去服務客人，食物未上枱時已經主動幫你攞餐具同紙巾唔在講，食到中段店長更加會主動問你攞feedback，感覺到佢地真係有心去做得更好。不過，呢度唯一唔好既地方係好容易令你叫得太多野食，「眼闊肚窄」既朋友記住留意呀！
Post
