饗量 (雲咸街)

Open Now

Now Closed

人越大就開始注重健康，朋友推介呢間小店，主打營養豐富又健康嘅super bowl，有多達45款配料可以選擇，每樣食物都有卡路里標籤，方便上班族/健身/減肥人士計算～ 地點唔遠而且價錢合理，值得一試💪🏻懶人貪方便叫咗幾款餐廳嘅signature bowl，每款包括羽衣甘藍、南瓜、櫻桃番茄、沙葛、紫洋蔥、豆、再配上亞麻籽同南瓜籽～ 五顏六色，賣相一流，完全唔覺得自己食緊健康餐😆主菜方面有好多選擇，雞肉餅厚厚一片，柔軟得嚟帶有粒粒口感，層次感豐富～ 雞扒大大塊，嫩滑多汁，有焦香味、牛扒同樣細嫩，牛味突出，性價比高、豬扒厚切，香茅味濃郁、四款搭配糙米飯同特製醬汁，有蒜蓉豉油，亦有洋蔥醬，惹味無窮😆自選組合要咗沙拉菜、羽衣甘藍、青瓜、醃紅蘿蔔、醃白蘿蔔、沙葛、紅菜頭、櫻桃番茄、烤菜花同鷹嘴豆，食幾多自己話事，唔怕做浪費鬼👻 蔬菜新鮮，鮮甜，份量合理，食完飽飽了😬