Video
Read full review
2014-08-30
1879 views
一向甚少為午飯而傷腦筋，因為公司有叫福食，即喺包伙食，坐定定等人送飯上嚟。不過，有時都有例外，有同事放大假我哋就會取消一次半次，改買外賣食。食嚟食去都喺飯盒，轉轉口味，所以就建議不如試一試食飯糰，嚟一次飯糰偶遇，更趁出開街早啲去買，唔使跟人排長龍 。其實華御結唔喺第一次食，之前已經試過，款式包括：和風蕃茄豚肉咖喱御結、駿河灣特產櫻花蝦御結、海鮮XO醬御結、紀州特產酸梅御結、香辣迷你帶子冬菇御結及香蔥吞拿魚蓉手卷，所以，今次自然試啲未試過架啦！11:30am-3:00pm提供嘅午市套餐選擇有3款： Set A（$39）任選2款御結 + 細碗裝自家熱湯（12安士）； Set B（$52）任選1款御結 + 細碗裝自家熱湯（12安士） + 任何和風單品料理（大）/ 沙律１份； Set C（$62）任選2款御結 + 細碗裝自家熱湯（12安士） +任何和風單品料理（大）/ 沙律１份；仲可以追加，+$10任選1款御結 /任何和風單品料理（細），而+$7細湯轉為中湯（15安士） 。雖無慢慢研究，但御結（飯糰）大概都有多達廿款選擇，價錢由$10-$16不等，分白米飯系列、調味飯系列。睇佢啲單張
其實華御結唔喺第一次食，之前已經試過，款式包括：和風蕃茄豚肉咖喱御結、駿河灣特產櫻花蝦御結、海鮮XO醬御結、紀州特產酸梅御結、香辣迷你帶子冬菇御結及香蔥吞拿魚蓉手卷，所以，今次自然試啲未試過架啦！
11:30am-3:00pm提供嘅午市套餐選擇有3款：Set A（$39）任選2款御結 + 細碗裝自家熱湯（12安士）；
Set B（$52）任選1款御結 + 細碗裝自家熱湯（12安士） + 任何和風單品料理（大）/ 沙律１份；
Set C（$62）任選2款御結 + 細碗裝自家熱湯（12安士） +任何和風單品料理（大）/ 沙律１份；
仲可以追加，+$10任選1款御結 /任何和風單品料理（細），而+$7細湯轉為中湯（15安士） 。
雖無慢慢研究，但御結（飯糰）大概都有多達廿款選擇，價錢由$10-$16不等，分白米飯系列、調味飯系列。睇佢啲單張，店方標明採用百份百日本新潟越光米。另外，所有產品均由營養師細心計算過所含熱量，啱晒要健美嘅女生們，或要控制體重嘅人士 ！
法式薯仔肉腸清湯 $18 / S、$25 / M、$32 / L 個湯味道唔錯喎，幾香洋蔥同薯仔味，不過湯料就似乎少咗啲，得一舊西蘭花及半條黑椒肉腸 。份量上，12安士其實都好夠飲。
飯糰包裝底部印有食用方法3步曲，按部就班，應該都唔會點失手，況且，小弟話晒都已經喺有經驗人士。
金平炒牛蒡御結 $13 平時食得肉多，都想平衡少少，先揀個素飯糰試吓先。除炒牛蒡絲，仲有紅蘿蔔絲，有少少調味，味道唔會好濃，爽脆清甜，而飯粒渾圓，黏糯有咬口，紫菜又夠晒脆身，整體唔錯，只喺嫌佢好少牛蒡絲同紅蘿蔔絲。
三文魚醬油燒御結 $15 例牌專燈揭開影相，嘩！三文魚醬油燒御結比起炒牛蒡多好多料喎，埋滿成個面，三文魚混有醬油（可惜部份唔較勻「巡」），又加有好多白芝麻，寧舍有味道，同樣飯粒煙韌，紫菜爆脆，比起炒牛蒡好食啲。
以上價錢都喺食物嘅單價，夾埋要俾$46，依家套餐價只喺$39，平15%左右，唔算好多，至少較食麥記、快餐店健康啲啦 。
Post
