Video
Read full review
2024-06-27
3047 views
突然有一日係要去到九龍塘工作，男朋友可以就時間嚟搵我食lunch，佢揀咗太二酸菜魚我哋叫咗個二人餐，包括酸菜魚、蝦仁娃娃菜、兩碗白飯、黑糖冰粉同西瓜冰粉酸菜魚嘅味道真係唔錯，如果同一般舖頭嘅酸菜魚比較，佢嘅味道比較有層次，飲得出嚟嘅湯係有鮮味嘅，魚肉都好嫩滑。不過個湯有少少油，不過都明嘅，通常酸菜魚最尾都會放辣椒、花椒喺面，然後會淋熱油上去。蝦仁娃娃菜就冇乜驚喜啦，有啲蝦仁同埋午餐肉喺入面。蝦仁偏細粒，我覺得娃娃菜就煮得唔夠淋，可以再煮得耐啲。我覺得黑糖冰粉麻麻哋，因為加咗啲花生喺上面，可能有人會好鍾意，但我自己本身唔鍾意甜品入邊加花生，口感好怪。反而西瓜冰粉好食啲，因為西瓜都OK甜，又有椰子片，令到個冰粉有啲層次，唔係淨係單單嘅甜味有一樣特別嘢係可以自己沖花茶，會教埋你點樣沖，首先落三片陳皮、再落兩朵洛神花，咁就搞掂啦，我花茶有少少酸酸地，都幾易入口
我哋叫咗個二人餐，包括酸菜魚、蝦仁娃娃菜、兩碗白飯、黑糖冰粉同西瓜冰粉
酸菜魚嘅味道真係唔錯，如果同一般舖頭嘅酸菜魚比較，佢嘅味道比較有層次，飲得出嚟嘅湯係有鮮味嘅，魚肉都好嫩滑。不過個湯有少少油，不過都明嘅，通常酸菜魚最尾都會放辣椒、花椒喺面，然後會淋熱油上去。
蝦仁娃娃菜就冇乜驚喜啦，有啲蝦仁同埋午餐肉喺入面。蝦仁偏細粒，我覺得娃娃菜就煮得唔夠淋，可以再煮得耐啲。
我覺得黑糖冰粉麻麻哋，因為加咗啲花生喺上面，可能有人會好鍾意，但我自己本身唔鍾意甜品入邊加花生，口感好怪。反而西瓜冰粉好食啲，因為西瓜都OK甜，又有椰子片，令到個冰粉有啲層次，唔係淨係單單嘅甜味
有一樣特別嘢係可以自己沖花茶，會教埋你點樣沖，首先落三片陳皮、再落兩朵洛神花，咁就搞掂啦，我花茶有少少酸酸地，都幾易入口
Post
