Read full review
2014-11-12
2752 views
星期三晚,睇完老公同同事打波,一齊去黃埔花園附近醫肚。老公同事住黃埔,推介Alfafa呢間餐廳。我地一行五人, 叫左兩個二人餐, 幾抵食。二人餐包括餐湯, 頭盤, 兩個主菜, 甜品同餐飲。西蘭花忌廉湯質地濃郁,味道鮮甜。至於頭盤,我地揀左醬燒雞翼(香辣味)及凱撒沙律各一。雞翼肉質鮮嫩,但味道太辣及太濃, 口味太重。至於沙律,略嫌麵包粒及芝士不夠, 味道尚算清新, 蔬菜亦很新鮮。至於主菜,我們點了一個薄餅,一個飯, 一個天使麵以及一個豬肋骨配薯角。薄餅餅身鬆軟,意大利風乾火腿肉質鮮嫩,加上香草, 味道清新。至於燒春雞紅米飯,春雞肉質略嫌煮老了一點, 如果春雞可以幫我們切細就好啦(因為都幾難切開半隻雞)。另外, 醬汁味道偏濃。值得推介的是天使麵, 大磨菇很軟滑, 菇味香濃,加上黑松露醬,真的是絕配!至於醬燒豬肋骨,醬汁較醬燒雞翼清淡及無咁辣,很好味!而薯角亦炸得很香脆,入口即溶!超級推介甜品: 法式薄餅。雖然是套餐內的甜品,但無欺場,完全是用心之作。焦糖香蕉入口即溶,法式薄餅內含法式朱古力杏仁脆, 將薄餅包住法式忌廉及雲利拿雪糕一起吃, 外熱脆而內凍軟!口感令人一試難忘!忌廉, 朱古力杏仁
Post