奇趣餅家

Open Now

Now Closed

燒豆 ~ 以前行街個陣媽咪成日都會買比我食 , 不過細細個又點會識得分好唔好食 , 宜家大左先發覺原來咁出名 , 所以就去買返黎食懷舊一下啦 , 味道依然十年如一日冇變過 , 熱辣辣皮又軟身 , 豆沙餡分佈平均而且唔會太甜 , 面頭仲有d芝麻多左一股香味 , 真係好好食。 笑口棗 ~ 我本身係好鐘意食 , 每次去喜宴最後一道甜點有笑口棗既話我都會食大半碟 , 今次第一次試呢度既笑口棗 , 口感好鬆脆 , 入口又香芝麻味 , 令人想食完一粒又接著一粒呀。 合桃酥 ~ 雖然同其他買地方既味道差不多 , 不過呢度贓在價錢平又大塊 , 食左一半已經覺得有少少飽呀。 皮蛋酥 ~ 脹卜卜外皮鬆香而且又係新鮮出爐 , 入面既皮蛋又好食wor。其實仲有好多野想買黎試 , 例如: 米通，老婆餅，鹹蛋散，牛耳仔等,,,好彩地點方便就腳 , 隨時想再去買黎食都無問題。