Video
Read full review
2014-07-10
930 views
相信唔係好多人會聽過上環有間食店叫「Common Grounds」，不過如果我話呢間餐廳咪就係座落於賣手造曲奇賣到街知巷聞的「Jenny’s Bakery」同一條街，即永和街囉，大家可能會有點印象。其實永和街向來都只是一條賣文具、果汁、午餐飯盒的小巷，平日人流唔算多，不過近日和食友閒蕩，發現這裡竟然開咗間頗優閑的小餐廳，決定一試。原來這小店座位只有約 20 餘個，而且裝潢很隨意，黑色餐桌、湖水藍椅子、小肥貓卡通掛畫，配埋牆角黑白燈罩落地燈，整個感覺都幾溫馨。先研究一吓餐牌，據店員講，原來每晚的菜式都會因應當日的食材而有所改動的，不過由於餐廳始終是間小店，人手不多，所以套餐選擇唔算豐富。就以這晚為例，只得六款揀，價錢由 $118 至 $158 不等，但已包括餐湯、沙律、主菜、甜品和精品咖啡或茶，怎說也算是親民價啊！其實《室雅何需大、花香不在多》，只要食物真材實料，好味道，顧客自然會天天報到。率先上桌的頭盤蟹籽田園沙律，其實食味都算唔錯，尤其是面頭的蟹籽，唔單止分量十足，而且還透著紅亮的色澤、粒粒飽滿，爽脆可口，只可惜下層的沙律菜唔夠新鮮，縱使落咗不少香草、油醋等伴吃，食落始終欠了應有的
相信唔係好多人會聽過上環有間食店叫「Common Grounds」，不過如果我話呢間餐廳咪就係座落於賣手造曲奇賣到街知巷聞的「Jenny’s Bakery」同一條街，即永和街囉，大家可能會有點印象。
其實永和街向來都只是一條賣文具、果汁、午餐飯盒的小巷，平日人流唔算多，不過近日和食友閒蕩，發現這裡竟然開咗間頗優閑的小餐廳，決定一試。原來這小店座位只有約 20 餘個，而且裝潢很隨意，黑色餐桌、湖水藍椅子、小肥貓卡通掛畫，配埋牆角黑白燈罩落地燈，整個感覺都幾溫馨。
先研究一吓餐牌，據店員講，原來每晚的菜式都會因應當日的食材而有所改動的，不過由於餐廳始終是間小店，人手不多，所以套餐選擇唔算豐富。就以這晚為例，只得六款揀，價錢由 $118 至 $158 不等，但已包括餐湯、沙律、主菜、甜品和精品咖啡或茶，怎說也算是親民價啊！其實《室雅何需大、花香不在多》，只要食物真材實料，好味道，顧客自然會天天報到。
率先上桌的頭盤蟹籽田園沙律，其實食味都算唔錯，尤其是面頭的蟹籽，唔單止分量十足，而且還透著紅亮的色澤、粒粒飽滿，爽脆可口，只可惜下層的沙律菜唔夠新鮮，縱使落咗不少香草、油醋等伴吃，食落始終欠了應有的 fresh 感覺。
至於是日餐湯，鮮茄薯仔忌廉湯，質感較為稀薄，食友就嫌佢唔夠濃稠，不過我反而幾 buy。其實筆者對酸味濃郁的番茄忌廉湯，向來興趣都不大，幸好這客湯喝起來酸甜度頗適中，而且忌廉分量唔多，感覺無咁膩滯。
主菜方面，點了這客蟹籽忌廉龍脷柳海鮮卷 ($138)，初端上檯時，大家都不禁發出讚嘆之聲，嘩，怎麼把魚塊捲成圈狀，而且擺放得這般有心思呀！細看食材，除了主角龍脷柳外，原來碟上還放了不少魷魚、蝦隻、青口、蜆肉和蟹籽，再伴以沙律菜和忌廉汁，分量簡直驚人，如果是一個女孩子單拖來的話，相信會有點吃力。
至於味道方面，其實件龍脷柳啖啖肉，沒有碎骨，品嚐起來頗為方便，而且可能是伴上了大量忌廉汁的關係，令魚肉吃起來口感都幾嫩滑，只是略嫌魚鮮味唔夠突出。配料方面，甚喜愛幾粒零星散落的魷魚，頗有嚼口；當然以急凍貨式來說，鮮味自然一般。
另一客蜜糖芥末燒豬手 ($143) 亦頗有驚喜，隻豬手肉厚脂肪多，醃好後用水煮熟，再塗上一層蜜糖芥末烤香，逼出油分，難怪吃起來外皮脆卜卜，入口香而不膩，而內裡則肉質幼滑，肉汁豐盈，再以混入了火腿粒的酸椰菜伴吃，去膩開胃。如果可以一邊睇波一邊吃，加一杯冰凍啤酒 fresh 一吓，就更 perfect 喇。
也試了食友點的紅酒汁燴牛肋條 ($143)，牛肋條燒至微焦，入口散發著微微肉香，食味算唔錯，但筆者就嫌佢口感偏嚡，不過餐後食友竟然說牛肋條肉質幾腍滑，看來大家所試的部位唔同，而且我只是嚐了一小口，還是留待食友品評好了。
甜品檸檬奶凍，質感雖然唔算特滑，但入口散發著淡淡檸檬的酸香，食味本來不俗，只是筆者向來對奶製品興趣不濃，所以還是點到即止。
飲品方面，其餐牌全都是以 mocha、latte 為主，actually not my cup of tea，不過見店員極力推介 Crispy Chocolate，儘管一試。講真，杯熱朱古力對我來說，實在是過於甜膩了，幸好杯面那個心形拉花圖案，討人喜愛，令人心花怒放。
這兩杯是食友點的 latte，每一杯都伴著個精緻的拉花圖案，真教人喜出望外。
原來店裡有下午茶餐供應，如果想找個地方坐低叉叉電的話，這裡都可以是 Starbucks，Pacific Coffee 以外的另一選擇。
Post
