偶遇台北 (矽谷山) (Closed)

有一日午餐和同事去覓食，本來想揀茶餐廳，見到有台灣店，即管試一試。入門口有一位穿着T恤的大叔招呼我們，我以為係廚房佬因為他的T恤十分污糟，原來他是樓面。員工外表唔緊要，食店最緊要食物質素好。餐廳係手機點餐，我和同事各自看手機的菜單，我先行下單，同事仲揀緊。我聽到呢位污糟大叔同另外一個夥計講「喂，佢地落得半份咋喎」，語調表示嫌棄認為兩人叫一份餐咁孤寒。我聽見即刻同佢講我同事落緊單，你唔使咁緊張。 我叫的牛肉麵唔使2分鐘上枱，麵條發脹，好明顯煮落咗好耐，快快灼翻熱，牛肉兩三舊碎牛，蘿蔔仲大嚿過佢，湯底偏鹹。飲品選擇以罐裝飲品為主，台灣麵店連熱烏龍茶都冇，同事飲的手打檸檬茶好難飲。 同事叫的牛肉飯，牛肉同我碗麵一樣又碎又細舊。這店的價錢與食物質素不成正比，服務態度惡劣之餘仲要收10%服務費，茶木價錢相若，質素好佢幾倍。總而言之，偶遇之後可一不可再。