Video
Read full review
2018-06-14
194 views
今日係星期日又係愚人節,勞碌完一整個星期終於可以輕鬆一下! 呢日黎到有「車房街」之稱的荃灣享和街諗住歎返個BRUNCH睇完一陣MENU好快就可以扑鎚, 分別叫咗個溫泉蛋卡邦尼意粉同三文魚籽櫻花蝦明太子意粉, 飲品分別叫咗熱朱古力同蘋果紅茶。眼見佢舖頭細細, 但係都幾多職員工作, 望真啲原來廚房旁邊仲有條小巷伸延到後方仲有一啲座位嘅! 餐廳整個環境俾人感覺好年輕而且會見到好多形形色色的小公仔、擺設等等, 亦會播放流行音樂, 食客等待食物時可以四周望下分散下注意力, 不知不覺間亦帶來一點點放鬆。由於當日唔係太多客, 所以食物好快就黎到。首先上臺嘅係三文魚籽櫻花蝦明太子意粉, 一大堆三文魚籽喺中間十分奪目, 食落冇腥味, 唔錯! 意粉十分之有咬口、唔會過腍而且醬汁都配合得好好, 唔會過於濃味。而配料亦十分豐富, 櫻花蝦的數量係食哂啲意粉之前都仲有剩個人甚為推薦此意粉不久之後再上埋溫泉蛋卡邦尼意粉, 呢個意粉一樣都係十分之爽身,醬汁亦是控制得宜, 食到最後都唔會覺得膩, 中間大大隻溫泉蛋要用JUICY黎形容, 而且體積頗大, 口細的朋友一啖食唔哂一定會滿瀉而配料煙肉有少少似五花腩咁睇到有幾層,
睇完一陣MENU好快就可以扑鎚, 分別叫咗個溫泉蛋卡邦尼意粉同三文魚籽櫻花蝦明太子意粉, 飲品分別叫咗熱朱古力同蘋果紅茶。
眼見佢舖頭細細, 但係都幾多職員工作, 望真啲原來廚房旁邊仲有條小巷伸延到後方仲有一啲座位嘅! 餐廳整個環境俾人感覺好年輕而且會見到好多形形色色的小公仔、擺設等等, 亦會播放流行音樂, 食客等待食物時可以四周望下分散下注意力, 不知不覺間亦帶來一點點放鬆。
由於當日唔係太多客, 所以食物好快就黎到。首先上臺嘅係三文魚籽櫻花蝦明太子意粉, 一大堆三文魚籽喺中間十分奪目, 食落冇腥味, 唔錯! 意粉十分之有咬口、唔會過腍而且醬汁都配合得好好, 唔會過於濃味。而配料亦十分豐富, 櫻花蝦的數量係食哂啲意粉之前都仲有剩個人甚為推薦此意粉
三文魚籽櫻花蝦明太子意粉
42 views
0 likes
0 comments
不久之後再上埋溫泉蛋卡邦尼意粉, 呢個意粉一樣都係十分之爽身,醬汁亦是控制得宜, 食到最後都唔會覺得膩, 中間大大隻溫泉蛋要用JUICY黎形容, 而且體積頗大, 口細的朋友一啖食唔哂一定會滿瀉而配料煙肉有少少似五花腩咁睇到有幾層, 但係食落去唔會覺得好油膩同好咸,配上醬汁是完美的配搭!
溫泉蛋卡邦尼意粉
25 views
0 likes
0 comments
最後到飲品, 呢個絕對係女生打卡位或者男友氹女生的好方法, 因為餐廳提供一系列的卡通拉花/可可粉印花, 而且款式十分之多, 就算不在餐單入面您都可以提供圖片給職員跟住做, 簡直係衝著少女心嘅食客而設架我最後選擇咗鼻窿雞圖案的熱朱古力, 而上臺時的確是一隻完整又可愛的鼻窿雞呈現於熱朱古力上面, 簡直係冇得輸呀！ 所以十分推薦「相機食先」愛好者以此呃LIKE呀另一個微細位就係熱飲仲會奉上一粒樂天熊仔餅, 十分之驚喜, 完全將成件事昇華咗呀!
熱朱古力
26 views
0 likes
0 comments
另一杯野飲係跟餐自由配搭的茶, 冷熱同價不用額外加費, 友人揀咗蘋果紅茶, 最初都抱住茶包加糖水的心態迎接飲品, 一飲之下發現餐廳連一杯餐茶都處理得十分好喎! 佢地嘅茶唔太甜而且飲到清新的蘋果味, 飲完之後仲有陣陣茶香留於口腔之中, 推薦俾愛茶之人。
整理而言, 餐廳環境舒適而且食物質素令人喜出望外, 絕對有下一次而且食完哂野之後仲可以慢慢坐下、職員唔會好急要您埋單走, 令人倍感放鬆。
Other Info. :
餐廳職員全都是十分年輕, 而且工作時打成一片就好似返緊學咁, 反而為餐廳增添一點色彩, 希望佢地用心經營, 努力做好小店!
(The above review is the personal opinion of a user which does not represent OpenRice's point of view.)
Post
