The Mafe Cafe (Closed)

想揾個地方傾計，玩下board game，第一時間就諗起cafe，呢間係旺角the mafe cafe環境乾淨，座位間略近，但都無阻我與朋友暢談。我們點了忌廉煙三文魚配天使麵，醬汁濃稠，掛麵，煙三文魚新鮮，份量多。蒜香雞翼賣相吸引，即點即炸，上面鋪上炸蒜，雞翼入味，但蒜味不突出。至於辣味薯角亦是新鮮炸起，絕不偷工減料，份量十足，雖然話係辣味薯角，其實沒有辣味，但都十分好味。飲品方面，我們點了oreo奶昔及芒果乳酪，兩杯均加了cream，雖然是凍飲，但屬常温偏凍，適合女生，味道偏甜，下次可以一試花茶/果茶。總括而言，這間cafe水準比一般cafe高，值得一試。