Video
Read full review
2021-07-16
201 views
一直有聽過呢間野，誤打誤撞因為隔離鋪冇開所以入咗去食。 一入去，店員安排我哋坐門口位，又經常性唔閂門，想調位調入啲，店員即刻黑晒面，嗰度又冇訂位又冇人坐，點解唔可以明白門口顧客唔想受到熱風影響😂黑晒面咁講「等我執埋野先啦」，勁煩躁。明明就唔多客，又冇乜嘢做，態度好少少都唔得？ 首先嚟到嘅係鹽酥雞便當，店員勁大力咁擺低，好似得罪佢哋咁。一見到心諗，便當係咁㗎咩，擺盤勁求其，完全唔識得裝飾，如果冇鹽酥雞嘅話以為自己食緊$20燒味飯。鹽酥雞尚算可以，分量充足，但係一咬就成pat油，其他完全冇特別（完全感受唔到台式風味，亦感受唔到邊度「真．台客」。 第二個嚟嘅係滷雞腿便當，都有成隻雞髀嘅，但係就切到唔知想點，啲汁又好求其咁林上去，完全冇誠意，重點係隻雞髀完全唔滑，鞋颯颯，用筷子匙羹將隻雞髀分開就整到支離破碎咁，一隻雞髀就咁樣比佢哋摧殘。側邊擺盆又係勁核突，求其執俾你，有冇尊重過食客？仲要食食吓食到有碎骨同埋一啲硬物，俾小朋友食到嘅話點算？間鋪仲有個自助飲品吧，就係凍嘅冬瓜茶同埋熱嘅麥香茶，冬瓜茶甜到糖尿病，係杯麥香茶好啲，應該係今餐最好食（飲）嘅嘢。但係友人斟茶嘅同時，店員喺度啤住友
一入去，店員安排我哋坐門口位，又經常性唔閂門，想調位調入啲，店員即刻黑晒面，嗰度又冇訂位又冇人坐，點解唔可以明白門口顧客唔想受到熱風影響😂黑晒面咁講「等我執埋野先啦」，勁煩躁。明明就唔多客，又冇乜嘢做，態度好少少都唔得？
鹽酥雞便當
$50
14 views
0 likes
0 comments
首先嚟到嘅係鹽酥雞便當，店員勁大力咁擺低，好似得罪佢哋咁。一見到心諗，便當係咁㗎咩，擺盤勁求其，完全唔識得裝飾，如果冇鹽酥雞嘅話以為自己食緊$20燒味飯。鹽酥雞尚算可以，分量充足，但係一咬就成pat油，其他完全冇特別（完全感受唔到台式風味，亦感受唔到邊度「真．台客」。
滷雞腿便當
$50
14 views
0 likes
0 comments
第二個嚟嘅係滷雞腿便當，都有成隻雞髀嘅，但係就切到唔知想點，啲汁又好求其咁林上去，完全冇誠意，重點係隻雞髀完全唔滑，鞋颯颯，用筷子匙羹將隻雞髀分開就整到支離破碎咁，一隻雞髀就咁樣比佢哋摧殘。側邊擺盆又係勁核突，求其執俾你，有冇尊重過食客？仲要食食吓食到有碎骨同埋一啲硬物，俾小朋友食到嘅話點算？
間鋪仲有個自助飲品吧，就係凍嘅冬瓜茶同埋熱嘅麥香茶，冬瓜茶甜到糖尿病，係杯麥香茶好啲，應該係今餐最好食（飲）嘅嘢。但係友人斟茶嘅同時，店員喺度啤住友人，驚死飲晒你啲茶咩？又要叫人自己斟，一陣倒瀉咗又黑面㗎啦。
總結嚟講，啲嘢食已經非常一般，擺盤完全冇誠意，亦令到我對「便當」有新嘅認知，間鋪咁細已經冇乜嘢做，員工態度仲咁惡劣，但係對住返自己同事就勁開心，唔想做可以唔做㗎。食過最差嘅台式餐廳，同最近食嘅「阿元來了」簡直兩個層次，裝修冇台式風格都算啦，已經唔係太睇重呢啲，食物同埋員工質素可唔可以好少少？
Post
