半路咖啡 (Closed)

公司樓下開左間新cafe，lunch有同事食完飯話想試下，於是落order去買。其實地點係有d隱蔽，文武廟附近都有好多樓梯，而佢真係無改錯名，位於其中一條樓梯既半路中間，唔係果頭打滾都幾難搵。唔知係新開關係，定還是希望大家坐低慢慢嘆，佢無外賣咖啡兜（即係一個兜裝到幾杯果種），同事要班馬幫手拎咖啡，佢一對手無可能拎到6杯甘多。佢既咖啡選擇唔算多，反而茶既選擇更多，除左飲品，都有d輕食，不過眼見坐係到食既客人都係飲野為主。無論堂飲，定係外賣，都係用「萬壽無疆」杯，都幾得意，因為要等佢逐杯逐杯沖，所以都係餐廳待了一陣子，餐廳環境真係幾文青feel，餐廳門口仲放左張長椅，坐出去嘆住咖啡吹水仲舒服，裡面只有2張細檯，其餘都係高檯。終於沖齊6杯，拎返上去飲，無諗過外賣佢都逐杯拉花，雖然拎到返上去都搖散左，但仲忍約睇到個心形（掛住做野，唔記得影相），隊長飲cappuccino，奶泡都夠rich，但唔夠企身，攪兩攪就散晒，而且咖啡唔夠香，咖啡豆好似無炒過，飲落唔香咖啡味，而且杯咖啡只係微暖，由樓下返上樓都係5分鐘時間，無可能凍得甘快，星星咖啡果杯都好飲過佢。當然，佢sell既係文青環境，如果有時間坐低