Ocio (東港城) (Closed)

呢間cafe位於東港城內，裝潢以米白色同木系為主調，旁邊更圍咗一圈花圃🌹 彷彿去咗室內花園嘅感覺☺️ 食物方便除咗有平時西餐廳提供嘅意粉/飯類，更有多款特色又打卡able嘅甜品！熱香餅🥞、窩夫🧇、刨冰🍧、意大利芝士餅🍰、牛角窩夫🥐、厚西多🍞、應有盡有，好適合閨蜜們過嚟舒舒服服咁嘆返個下午茶💖奧斯經典全日早餐有齊招牌窩夫🧇、香滑炒蛋🍳、酸酸甜甜嘅蕃茄🍅、香脆可口嘅雞柳、大大條腸仔🌭、鹹鹹地嘅火腿🥪、茄汁豆🫒、脆脆薯條🍟、新鮮沙律🥗 同糖漿🍯 整體賣相十分吸引，材料豐富，大件夾抵食，滋味無窮💓 套餐仲包埋餐湯同嘢飲🥺 蘑菇湯十分香濃，入邊仲有好多粒粒蘑菇，口感豐富🍄 甘菊香草茶入口順滑，茶底濃度適中，非常滋潤☺️麻薯雪山一上枱已經聞到淡淡嘅蛋香味，熱香餅Q彈鬆軟，軟綿綿咁好似食緊一舊雲😍 中間夾住一層煙煙韌韌嘅麻薯🥰 令到成個口感昇華咗！再配埋凍冰冰嘅雲呢拿雪糕真係冇得彈😗鑄鐵鑊仔法式吐司份量驚人🤣 厚厚嘅麵包配上蛋一齊焗，感覺有啲似麵包布甸咁🍮 外層十分香脆，咬落去非常軟熟🙈 上面鋪滿士多啤梨醬同新鮮嘅士多啤梨，酸酸甜甜咁食落去冇咁膩～ 簡單嘅一餐有齊煮食同甜品，滿足🐷