Video
Read full review
2006-03-06
10 views
路過新城市買啤酒,忽然諗起來自新加坡的Fish & Co進佔新城市某角落,又有朋友向我呢個炸魚薯條迷講過下.時間大把,試下無坊.地方幾闊落,仲有露天茶座,是日天氣麻麻,又沒有本小說在身旁附庸風雅,還是有瓦遮頭作罷.打開餐牌,話就叫Fish & Co,但海鮮選擇,真的不多.如果你想叫個藍貝,無問題,但係心血來潮想整客Trount或Seabass的話,恐怕失望而回.遑論想要杯Icelandic prawn,Colchester Oyster....?而且,係無酒精飲品供應,定係無比到wine list我?食海鮮唔飲酒,成可體統?由其炸魚薯條黎講,無杯啤酒作伴,又點講都講唔通.既然打正旗號炸魚薯條的話,又怎會不試?炸魚通常用Cod,長年累月的歷史問題.外表金黃,粉漿恰到好處,非想香脆唔厚.唯獨是薯條只係Fries,唔係Chips,兩樣野,不能混為一談.根本唔算得上叫正宗"英式"Fish & Chips.如果去過大英,無理由食唔出兩者的分別.仲有跟餐上的醬汁,竟有蒜茸,他他,辣醬,我幾時去左老麥?最傳統的醋,要開到聲先有,失敗.吃炸魚薯條,點可以唔落醋?撇除正宗與否黎講,味道也不錯的.如果你唔
時間大把,試下無坊.
地方幾闊落,仲有露天茶座,是日天氣麻麻,又沒有本小說在身旁附庸風雅,還是有瓦遮頭作罷.
打開餐牌,話就叫Fish & Co,但海鮮選擇,真的不多.如果你想叫個藍貝,無問題,但係心血來潮想整客Trount或Seabass的話,恐怕失望而回.遑論想要杯Icelandic prawn,Colchester Oyster....?而且,係無酒精飲品供應,定係無比到wine list我?食海鮮唔飲酒,成可體統?
由其炸魚薯條黎講,無杯啤酒作伴,又點講都講唔通.
既然打正旗號炸魚薯條的話,又怎會不試?炸魚通常用Cod,長年累月的歷史問題.外表金黃,粉漿恰到好處,非想香脆唔厚.唯獨是薯條只係Fries,唔係Chips,兩樣野,不能混為一談.根本唔算得上叫正宗"英式"Fish & Chips.
如果去過大英,無理由食唔出兩者的分別.
仲有跟餐上的醬汁,竟有蒜茸,他他,辣醬,我幾時去左老麥?最傳統的醋,要開到聲先有,失敗.吃炸魚薯條,點可以唔落醋?
撇除正宗與否黎講,味道也不錯的.如果你唔當佢係英式的話.同埋,舊魚係做得好過London街頭大部份的小店,真正英國Fish & Chips,並非如此.
平生吃過最"過癮"的Fish & Chips,就係在Liverpool,愛華頓主場外,Main Stand後面果檔小店,一大條Cod,一大兜chips,加鹽加醋加埋Peas,連一pint lager都唔使5 quid.
過癮同好吃,又係兩回事.
Post