Video
Read full review
2022-08-06
306 views
💎總評分：7.0/10-小編之喺淺水灣食過一間備長炭串燒，可惜炎炎夏日open door冷氣唔夠🥵，成個體驗差左D。銅鑼灣呢間樓上舖就舒服得多😙，作為一間居酒屋風格嘅串燒店，地方好闊落完全無油煙味。睇餐廳個名就知主打食雞🐔，罕見嘅部位例如雞冠、提燈、雞心管都有。話說喺日本使用備長炭係美味嘅保證✅，因為備長炭可燒出1200度高溫短火♨️，迅速殺死細菌，由內至外均能保存食物鮮味，唔似一般傳統木炭，先將食物表面烤熟，有時外面黑晒入面都未熟。還在研究menu時，店員就送上一個調味石碟，上面有芥末、柚子胡椒、七味粉、檸檬同青檸🍋，上串燒嘅時候會直接一串串咁放喺上面。1️⃣ 串燒 - 雞類🍢 免治雞肉棒 $38燒嘅時候已塗上醬汁，雞肉棒嘅味道己經唔錯，但精粹係隻蛋黃🍳，食嘅時候點上蛋液，味道更上一層樓。🍢雞柳 $58/2串唔識食刁鑽部位，叫反D常見貨色😅，用備長炭燒可以做到外表乾爽唔油膩，入面卻滑嫩👍🏻！2️⃣ 串燒 - 牛類🍢 A4鹽燒和牛崩沙腩 $68平時食牛雜都知崩沙腩係貴野🐮，調味唔錯，中間夾住D青椒幾能夠刺激味蕾，但係肉質未有好WOW嘅感覺🙈，呢個價錢小編會想留反嚟試其他串燒。🍢牛舌 $58挑選牛
-
小編之喺淺水灣食過一間備長炭串燒，可惜炎炎夏日open door冷氣唔夠🥵，成個體驗差左D。銅鑼灣呢間樓上舖就舒服得多😙，作為一間居酒屋風格嘅串燒店，地方好闊落完全無油煙味。睇餐廳個名就知主打食雞🐔，罕見嘅部位例如雞冠、提燈、雞心管都有。話說喺日本使用備長炭係美味嘅保證✅，因為備長炭可燒出1200度高溫短火♨️，迅速殺死細菌，由內至外均能保存食物鮮味，唔似一般傳統木炭，先將食物表面烤熟，有時外面黑晒入面都未熟。還在研究menu時，店員就送上一個調味石碟，上面有芥末、柚子胡椒、七味粉、檸檬同青檸🍋，上串燒嘅時候會直接一串串咁放喺上面。
1️⃣ 串燒 - 雞類🍢 免治雞肉棒 $38
燒嘅時候已塗上醬汁，雞肉棒嘅味道己經唔錯，但精粹係隻蛋黃🍳，食嘅時候點上蛋液，味道更上一層樓。
🍢雞柳 $58/2串
唔識食刁鑽部位，叫反D常見貨色😅，用備長炭燒可以做到外表乾爽唔油膩，入面卻滑嫩👍🏻！
雞柳
$58
4 views
0 likes
0 comments
🍢 A4鹽燒和牛崩沙腩 $68
平時食牛雜都知崩沙腩係貴野🐮，調味唔錯，中間夾住D青椒幾能夠刺激味蕾，但係肉質未有好WOW嘅感覺🙈，呢個價錢小編會想留反嚟試其他串燒。
🍢牛舌 $58
挑選牛舌心已經知質素唔錯，厚身彈牙爽口，又無出現乾爭爭嘅情況，用少少檸檬調味已經好食👍🏻！
A4鹽燒和牛崩沙腩
$68
16 views
0 likes
0 comments
🍢 豚五花腩鵪鶉蛋 $38
豚肉包住水果就試過，原來包鵪鶉蛋仲特別😗～一咬落去就爆出蛋黃🥚，配五花腩達到多重口感，必點🥰！
🍢 豚五花腩麻薯卷 $38
同樣用五花腩包住嚟燒🐷，但配麻薯餡又係另一番風味🤩，煙韌得嚟食得出五花腩嘅肉香，必試👏🏻！
4️⃣ 煙燻雞火腿他他 $88他他成日都食，煙燻雞之前亦都試過，今次將兩者融為一體算係一個新嘗試💫。未食過雞刺身嘅朋友，小編會咁樣形容，帶有雞味嘅煙三文魚😆。 今次係切成雞絲，撈蛋黃調味，再用紫菜包住，真係雞味濃呀🐓。
煙燻雞火腿他他
$88
3 views
0 likes
0 comments
煙燻雞火腿他他
$88
19 views
0 likes
0 comments
真心有驚喜😋！原來薯仔上面有隻流心蛋，慢慢滲出蛋黃，撈埋沙律一齊食無得頂💯！
薯仔沙律
$68
18 views
0 likes
0 comments
薯仔沙律
$68
23 views
0 likes
0 comments
除左串燒仲有主食丼同麵🍜，唔洗怕食唔飽～炒蛋都算滑溜，本來以為附送standard味增湯，點知係濃香雞湯🥣，單叫一碗都要$32，雖然隨丼附送嘅份量應該較細，但都顯得有誠意一D都唔hea👏🏻。
7️⃣ 最中餅 最後叫個甜品做總結，抹茶雪糕茶味夠濃🍨，加上甜甜嘅紅豆，呢個Combo本身就係Perfect match，無咩好挑剔😋！
採用備長炭成本較高，喺港島中心地段嚟講價位唔算貴💰，個人覺得豚肉串燒比招牌嘉美雞更為出色。以家餐廳做緊啤酒買一送一優惠🍻，sake選擇亦好多，啱晒嚟約朋友坐得舒服食串燒👯。-
環境服務：⭐⭐⭐
食物質數：⭐⭐⭐⭐
打卡指數：⭐⭐⭐
Other Info. :
🚗 最近嘅停車場係time square，唔建議泊樓下街位，因為好多時經過都見到已抄!
(The above review is the personal opinion of a user which does not represent OpenRice's point of view.)
Post
