炭家 (Closed)

中環依間「炭家」主打關西風鰻魚重，由小缽、茶碗蒸、日式清湯，至鰻魚白飯皆首尾呼應住鰻魚依個重點，另外，依度仲有主打其他特色串燒，題外話依度嘅洗手間都係好似日本嘅餐廳一樣用免治馬桶，有刷牙、梳洗用品，仲會播歌，真係有日本餐廳貼心嘅服務。*此餐廳收取加一服務費。鰻魚重（單點$420）；蒲燒鰻魚飯採用名古屋空運直送活鰻製作，日藉廚師沿用日本頂級紀州備長炭炭燒鰻魚，完美還原日本鰻魚飯正宗味道，鰻魚口感外皮焦脆，肉質厚嫩，味道鹹甜，帶有炭香味道，配以山椒粉食用，鮮味更加突出；小缽，鰻魚啫喱，口感滑溜，味道獨特；茶碗蒸，鰻魚蒸蛋；日式清湯，鰻魚清湯，內有金菇、冬菇、香蔥、芫荽、麵筋，味道鮮甜。雞胸肉紫蘇卷（單點$50），雞胸肉雞味濃香，紫蘇葉味道清新。豚蘆笋卷（單點$50），豚肉肉味濃厚，配以蘆笋食用，味道更佳。淡路洋蔥串（單點40），表面鋪滿木魚絲，洋蔥味道清甜。水果（跟餐$0），日本哈蜜瓜、西瓜，味道香甜。