Video
Read full review
2012-10-08
23 views
是咁的, 昨日，我地一行19人經過樂道，黎到有個以啤酒作賣點既餐廳酒吧，The Roundhouse。哈哈……我當堂嚇左一跳，然後得啖笑。呢間餐廳，居然d侍應好似趕客咁，咁即係分明當我流o者！拿！我地就keep左個生日蛋糕，你出蛋糕前都應該問一問幾時出丫，佢睬你都o徒氣，直情一收晒碟就自動出，呢d就叫有效率喇。呢度邊個生日，只要出之前問一問，就算timing唔好都算數，因為佢冇問丫嘛。佢問左呀，就唔洗問正生日果個啦。你話我要求太苛刻呀，我夠話佢做野趕客咁咯。望咩呀﹖條氣唔順呀﹖發個食評黎大家研究下。當然，哩餐飯每人三四百蚊就唔在講架啦。食咩呀﹖食野唔使錢呀﹖抄底佢聯絡電話係香港︰2366 4880，我再重覆一次係香港︰2366 4880。你唔去食都冇所謂，因為呢d唔係你既損失。十點後鐘唔好打去，因為佢地應該趕收工！認真講番, 其實d食物唔差, 價錢都叫合理,啤酒選擇真係多, 但啤酒既口味都係飲番飲慣果d好d,試其他口味隨時中伏...最主要想講既都係服務態度,話說我地都算多人, 又飲下酒傾下計睇下波咁,stay幾個鐘都唔算過分,我地接近8點拎檯, 走果時都係11點左右(再stay都無癮)
昨日，我地一行19人經過樂道，黎到有個以啤酒作賣點既餐廳酒吧，The Roundhouse。
哈哈……我當堂嚇左一跳，然後得啖笑。呢間餐廳，居然d侍應好似趕客咁，咁即係分明當我流o者！
拿！我地就keep左個生日蛋糕，你出蛋糕前都應該問一問幾時出丫，佢睬你都o徒氣，直情一收晒碟就自動出，
呢d就叫有效率喇。呢度邊個生日，只要出之前問一問，就算timing唔好都算數，因為佢冇問丫嘛。
佢問左呀，就唔洗問正生日果個啦。你話我要求太苛刻呀，我夠話佢做野趕客咁咯。
望咩呀﹖條氣唔順呀﹖發個食評黎大家研究下。當然，哩餐飯每人三四百蚊就唔在講架啦。
食咩呀﹖食野唔使錢呀﹖抄底佢聯絡電話係香港︰2366 4880，我再重覆一次係香港︰2366 4880。
你唔去食都冇所謂，因為呢d唔係你既損失。十點後鐘唔好打去，因為佢地應該趕收工！
認真講番, 其實d食物唔差, 價錢都叫合理,
啤酒選擇真係多, 但啤酒既口味都係飲番飲慣果d好d,
試其他口味隨時中伏...
最主要想講既都係服務態度,
話說我地都算多人, 又飲下酒傾下計睇下波咁,
stay幾個鐘都唔算過分,
我地接近8點拎檯, 走果時都係11點左右(再stay都無癮)...
話說, 我地檯面d食物都未完全食完, 就好似好趕咁問你食咩甜品,
都算喇, 可能佢地係sale效率啦, 但食完甜品, 隔左陣就自動出我地自己拎黎既蛋糕,
喂, 大佬呀, 我地本身打算正正12點先出或者臨離開前既,
我地都冇叫過你出, 你冇啦啦拎個蛋糕黎, 點晒蠟燭咁問邊個生日,
你唔係應該一早問左先咩, 拎住個蛋糕走到過黎先問?
我地當場呆左, 反問番邊個叫你依家出蛋糕,
佢竟然答: 乜個蛋糕唔係你地既咩?
係我地架, 咁又點呢但?
算喇, 費事拎黎拎去喇, 你咁做都係想我地快d走者,
好啦, 此地不留人, 再留多一時三刻都無意思...
後記: 其實拎住個蛋糕問邊個生日果時, 咁岩問正生日果個,
情況就好似想當年岩布先尼o係亞視被邀請唱happy birthday to me 咁...
再者, 我唔明點解要咁rush, 我由坐低至到離開, 都未試過滿7成人,
再加上我地唔係齋坐啵, 張單都已經$6,200喇,
都仲不斷叫緊drinks, 究竟急d咩呢?
可能我地比較嘈吵, 但一間餐廳酒吧, 有波睇, 唔係要非常寧靜呀?
我地咁多人, 嘈少少就一定架啦, 唔滿意或有人投訴的話,
你大可以同我地講丫, 趕客既服務就真係唔可以接受
Post