譚仔雲南米線 (Closed)

門口睇落好細間，以為得門口果幾張枱，原來轉個圈就見到好多枱，好大地方。不過唔係坐卡位，就覺得有啲迫。有好多譚仔姐姐不斷用車仔推出推入，感覺更迫，亦都趁佢地經過，問佢地攞餐牌，前後問左四次，先有餐牌睇。除左攞餐牌四次之外，連落單都要嗌幾次，不停叫我等陣，但轉頭又冇左回事。叫左兩碗米線，再加多兩個小食。5分鐘小食到左，呢個時候亦都多左人入黎食野。我同老公食哂啲小食，等左四個字，兩碗米線重係未到，而且隔離枱遲過我入既都到左野食，甘就同譚仔姐姐講。總共等左六個字，兩碗米線終於到左。啲米線好少，餸就正常譚仔姐姐可能好忙，黑口黑面吾怪既，起碼態度都ok。