白宮冰室 (Closed)

已經不知吃過多少遍,寫食評都寫過兩次.今次寫,就係賣$18,凍飲加$2的特餐.平,比出面茶記平一兩蚊,懷舊的環境,永遠能將本來緊張的心情暫且放下.悶熱傲慢的下午,偶爾發個白日夢,回到六十年代.唔當自己係謝老四,都諗自己係Austin Power個甘大支.特餐永遠得兩味麵食,搭火腿庵列.一係沙爹牛,一係雪菜肉絲.可揀湯意,公仔麵,米或通粉.庵列係我吃過最好,永遠煎得唔過火,一分為二,總會有蛋油流出.呢樣係我所喜.無論係沙爹或雪菜肉絲,並非上乘貨色.用的公仔麵,只屬大光麵之類.你問我好唔好吃?好!此乃純屬偏見.感情戰勝理智.