大良鴻輝記

Open Now

Now Closed

同朋友食完飯, 吹水吹到意猶未盡, 就去食碗糖水啦!人大左就唔想成日食凍野, 又唔想食新式甜品 (D大大件雪糕窩夫諗起都飽飽地)就去返食中式糖水, 就揀左大良鴻輝記啦!!入場9點鐘左右, 好彩唔洗等位, 但係坐低冇幾耐就開始愈來愈多人!始終9點打後都係糖水宵夜高峰期! 我地一行四人坐張大枱冇幾耐都要同幾個客人搭枱!不過唔緊要啦! 美食當前坐擠迫D冇緊要既!我地叫左芝麻糊、清心丸椰汁紫米露、大良燉鮮奶同埋芋香馬來喳咋。芝麻糊唔會好稀或者太結, 而且都幾滑, 芝麻亦香! 不過稍為偏甜~至於其他甜品朋友都話唔錯~~下次再黎試下先!