兜記即燒乳豬專門店 (Closed)

為補祝母親節和預祝端午節，一家人到灣仔兜記晚飯。選兜記，因為老人家還是偏好傳統廣東菜。屋企人經常話要試新嘢，但每次最後都係㸃番大家的「飛佛」！冇問題！最緊要係大家開心，同埋好食！乳豬半隻 - 兜記的招牌，一定要食！乳豬皮燒得卜卜脆，豬肉不太肥，燒得香，質地彈口，就稍為乾了些，要靠㸃乳豬醬補足。幾碟餸過後，再翻兜食多件乳豬，雖然放涼了，外皮沒有變靱，仍然保持上碟時的卜脆，值得讚賞！鹹菜胡椒豬肚湯 - 夏日炎炎，飲胡椒湯係有啲唔啱季節。但見到前面枱的食客食得咁高興，我又要點一個！鹹菜和豬肚都好足料，有幾件豬肚的表面焦黑了，可見廚司曾經將豬肚爆香，這另肚及湯都更香更好味！湯底的胡椒份量剛好，湯不會太辣和嗆喉，飲過一碗令全身滾燙流汗！咕嚕肉 - 肉質軟腍，汁醬都美味，唯肉塊大小不一，也未有理想中的外脆內軟，水準平實了㸃。粟米斑塊 - 上碟時以為係炸鮮奶或炸豆腐，炸皮大大塊的，心想：千祈唔好有厚叠叠的炸漿包住塊魚呀，唔該！儘管心存懷疑，都要試吓啦！Good 喎！好好味！外皮非常鬆脆，而重點魚塊也温熱軟綿綿，加埋粟米汁就更加滑溜！清蒸石斑和上湯菜心 - 還完基本嘅家常餸，其實都考心思同功力。約2斤