Video
Read full review
2018-11-07
543 views
平時經過中環，經常會比一個傳統印道菜自助餐banner吸引，今日終於同朋友的起心肝上去試一試佢。$88 任食，$100都唔洗嘅價錢相信都無乜其他餐廳會做到，係中環區黎講更加係超值。一入到去，裝修都非常之印度風呀，紅金色調，配上唔同嘅印度油畫，電視仲播住印度電影，好好feel呀！至於食物方面，非常多選擇！首先唔少得嘅就當然係Salad bar啦，都幾豐富呀，有粟米粒、什果沙律同雜沙律菜，再配埋個惹味嘅胡椒薄脆，加上個醬係偏酸，味接近沙律醋，幾特別嘅體驗！旁邊仲有任飲檸檬茶，味道係印度式的偏甜，不過食得濃味咖哩多，中和下又幾岩！之後就當然有d炸物小食頭盤啦，一共有三款，都係素食，包括炸蔬菜(Veg Pakora)、炸素春卷(Veg Spring Roll) 同炸素咖哩角(Veg Samosa)。三款炸物都炸得乾身，無乜油感，食落唔肥膩。炸蔬菜係幾有特色，食落係厚粉版天婦羅咁，非常酥脆。春卷就正常水平，香脆好味。咖哩角係三款裹面我比較推薦，因為咖哩味濃，非常惹味。而且佢表面炸得香脆唔在講，裏面薯蓉又唔會炸到乾身，口感外脆內軟，非常好！接住素咖哩方面，都有四款選擇，包括牛油香料扁豆咖哩(Daa
平時經過中環，經常會比一個傳統印道菜自助餐banner吸引，今日終於同朋友的起心肝上去試一試佢。$88 任食，$100都唔洗嘅價錢相信都無乜其他餐廳會做到，係中環區黎講更加係超值。
一入到去，裝修都非常之印度風呀，紅金色調，配上唔同嘅印度油畫，電視仲播住印度電影，好好feel呀！
沙律吧
39 views
0 likes
0 comments
素炸物小食
43 views
0 likes
0 comments
三款炸物都炸得乾身，無乜油感，食落唔肥膩。
炸蔬菜係幾有特色，食落係厚粉版天婦羅咁，非常酥脆。
春卷就正常水平，香脆好味。
咖哩角係三款裹面我比較推薦，因為咖哩味濃，非常惹味。而且佢表面炸得香脆唔在講，裏面薯蓉又唔會炸到乾身，口感外脆內軟，非常好！
素咖哩
46 views
0 likes
0 comments
牛油香料扁豆咖哩食落幾creamy，豆好細粒，汁就比較濃，適合用黎蘸Naan食。
孟馬薯仔其實就係我地食咖哩雞旁邊嗰d薯仔，就煮得幾入味，煎得香口。
兩款雜菜咖哩就味道偏辣，食得辣嘅會覺得幾惹味！
肉類咖哩
40 views
0 likes
0 comments
青豆免治羊肉咖哩無乜羊肉膻味，幾易入口，但味道偏辣，比較適合配Naan 食用。
菠菜蓉咖哩魚，魚肉滑身，味道屬四款裏面最淡，空口食都唔咸。
香料咖哩雞就好似我地一般食嘅咖哩雞，正常口味，撈飯配餅都得，配孟馬薯仔又得！雞肉算嫩滑，在場比較多人主攻呢款雞。
烤雞塊咖哩，個人覺得最出色！烤得乾身，外表焦脆但肉心嫩口Juicy，咬落去帶有濃烈香料味道，非常有層次。雖然味道偏濃，但比較惹味，食唔停口呀！
米飯
31 views
0 likes
0 comments
烤餅
40 views
0 likes
0 comments
印度香米(白飯)就唔多提啦，藏紅花香料炒飯就比較特別，炒得好乾身，黃薑味濃，配埋咖哩食一流呀！烤餅就正常水平，比較硬身，都係蘸咖哩食啦。
甜品
49 views
0 likes
0 comments
另一個係是日甜品，叫香甜奶球(Rasmalai)，雖然佢係一個芝士球，但入口無乜芝士味，反而口感非常鬆軟，至於個汁係牛奶加少少腰果，味道偏甜，但幾有趣嘅一款甜品。
總括而言，係一個好好嘅體驗去比你試一次印度菜應有嘅基本菜式，味道方面都幾正宗，香料味足，同某d菜式偏甜，但食落又幾好味。中午時間都幾多印度人幫襯，有機會會帶朋友黎試下呢個超值印度菜！
Post
