Video
Read full review
2017-05-17
1900 views
還有不足兩星期就到端午節了，唔知大家有無買糭應節呢？以前和父母同住時，每逢到五月初，母親都會悉心浸糯米、洗糭葉和包糭子，不過由於近年家母年事已高，不彈此調已久。但糭子還是會吃的，所以早排見有優惠，亦唔執輸，預早買咗《功夫點心》嘅糭券，趁這天來北角上堂，下課後，就順道過來換領。今次買嘅功夫瑤柱裹蒸糭套裝 (優惠價 $128)，一共有三款，包括家鄉鹹肉糭、豆沙鹼水糭和懷舊瑤柱裹蒸糭各一隻，而且全部是都是真空包裝，確保安全衛生。回到家換過衫後，便馬上入廚，邊煲粥邊烚糭，一於用作晚餐。先介紹這款最傳統的家鄉鹹肉糭，糭子唔算特大，屬中等 Size，切開後可以清楚見到豬肉、綠豆和鹹蛋黃等材料。吃一口，綠豆鬆化，糯米煙韌，而且比例剛好，加上帶肥的豬腩肉，入味又好吃，同中間嘅蛋黃配合起來，鹹香惹味。至於這款較鹹肉糭相對健康的豆沙鹼水糭，水準亦不俗，烚熟後米粒仍見分明，帶晶瑩光澤，入口綿綿煙韌，配上內裡的豆沙，清甜軟糯夾爽滑，可以淋少許糖漿，又或者沾少許砂糖一起品嘗，一樣咁可口。最後就輪到吃呢款肇慶最出名的傳統小吃懷舊瑤柱裹蒸糭，細心一看，分量果然十足，數一數，餡料除咗有鹹肉糭最基本嘅糯米、綠豆、鹹蛋黃
還有不足兩星期就到端午節了，唔知大家有無買糭應節呢？以前和父母同住時，每逢到五月初，母親都會悉心浸糯米、洗糭葉和包糭子，不過由於近年家母年事已高，不彈此調已久。但糭子還是會吃的，所以早排見有優惠，亦唔執輸，預早買咗《功夫點心》嘅糭券，趁這天來北角上堂，下課後，就順道過來換領。
今次買嘅功夫瑤柱裹蒸糭套裝 (優惠價 $128)，一共有三款，包括家鄉鹹肉糭、豆沙鹼水糭和懷舊瑤柱裹蒸糭各一隻，而且全部是都是真空包裝，確保安全衛生。回到家換過衫後，便馬上入廚，邊煲粥邊烚糭，一於用作晚餐。
先介紹這款最傳統的家鄉鹹肉糭，糭子唔算特大，屬中等 Size，切開後可以清楚見到豬肉、綠豆和鹹蛋黃等材料。吃一口，綠豆鬆化，糯米煙韌，而且比例剛好，加上帶肥的豬腩肉，入味又好吃，同中間嘅蛋黃配合起來，鹹香惹味。
至於這款較鹹肉糭相對健康的豆沙鹼水糭，水準亦不俗，烚熟後米粒仍見分明，帶晶瑩光澤，入口綿綿煙韌，配上內裡的豆沙，清甜軟糯夾爽滑，可以淋少許糖漿，又或者沾少許砂糖一起品嘗，一樣咁可口。
最後就輪到吃呢款肇慶最出名的傳統小吃懷舊瑤柱裹蒸糭，細心一看，分量果然十足，數一數，餡料除咗有鹹肉糭最基本嘅糯米、綠豆、鹹蛋黃和豬肉外，還加了燒鴨、蓮籽、瑤柱、冬菇等。材料雖多，但味道沒有混作一團，口感分明，糯米熟透、蓮子綿香鬆化、冬菇香氣濃郁，而且細嚼下更可隱約嘗到陳皮的氣味，令人吃得滿足。
未到端午節已經食曬啲糭，唔使擔心，因為有人公司嘅福利唔錯，竟然有糭券派，番書仔邊識欣賞呀，益曬我，一於留返扒龍舟正日先食！
Post
