明記麵食

Open Now

Now Closed

習慣了每到歲晚，都會到旺角金魚街買魚，屈指一算，至少超過三十年了，但近年自由行的入侵，令到租金颷升至不能支撐的地步，見著不少買魚店敗走，原舖變成一間間藥方或食肆，政府只懂向錢看，搬完波鞋街又要搬花墟，結果只留下一堆堆的回憶。每次從火車站下來，都會經過明記，如果有時間，都會來一碗車仔麵。店內座位不多，大多是面璧思過位。豬紅、豬腸、生菜及水魷配粗麵，豬紅很滑溜，差不多是必食位，豬腸平日會夠腍，但今日卻大失水準，韌到好似未煮過一樣，水魷要睇彩數，大小不一，差異有時幾大，不過幾爽口，粗麵份量太少，所以食完都未夠飽。