HABITŪ all day (Closed)

身為屯門友，又點可以唔試下啲新舖頭呢。Habitu 係一間人所共識既咖啡店，相比starbucks同pacific coffee，我覺得比地會比較出色，尤其是佢地啲朱古力就真係更加香濃、更加出名飲。松露野菌湯 - 磨菇湯好多餐廳都會用最簡單既方法處理，就係用攪伴機打爛晒啲磨菇就算數，但佢地唔同喎，你重可以搵到磨菇片，而家菇味十足香濃，十分好飲。蕃茄忌廉香腸寬麵 - 意粉方面應該係自家制，型狀比較特別，醬汁又足夠掛汁夠多，肉腸似豬肉腸而唔係普通雞肉腸。煙燻慢烤豬肋骨 - 由於係煙燻慢烤既方法炮制，豬肉質地比較淋同軟身，唔駛用刀，單係用叉都可以分開既肋骨，較為清新，有別於一般用大量甜既燒烤醬食法，又另有一番風味。其次伴碟既黑醋沙律同番茄仔都感覺同樣清新。Earl Grey Latte - 本身諗住會唔會變左杯港式鴛鴦呢，英式茶加咖啡重唔係鴛鴦，點知原來只係Latte上面加少量Earl Grey 茶葉，老實講就真係第一淡有少量 Earl Grey 獨有味道，跟住就唔覺有啦。有點失望，低於預期。