龍媽媽糕點

Open Now

Now Closed

💖經過見呢間甜品鋪幾多人買，望下原來係中式甜品鋪，決定買啲番去試下！1⃣️中式糕點🍰 $20/3件💖我個日去到有成9款！選擇困難症發作🤣，但同價位嘅可以混搭，果斷一樣一件全部試曬👇🏻：🔸椰汁斑斕千層糕：椰子控嘅我對所有有椰汁🥥嘅都鐘意🤣！香甜椰汁同清淡嘅斑斕香互相中和🔸黑糖薑汁糕：辛辣嘅姜撞上微甜嘅黑糖，養生又補血，對女性黎講特別好🔸芝麻糕：糕體口感Q彈，帶芝麻糊嘅顆粒感，芝麻味香濃🤤🔸椰汁桂花糕：推薦！桂花帶有清香，加埋椰汁嘅鮮甜味，層次感唔錯🔸紅棗糕：紅棗清甜味突出，口感彈牙～🔸馬蹄糕：馬蹄粒爽口有咬感，份量足👍🏻🔸綠豆糕：清新綠豆香，清爽唔heavy🔸眉豆糕：足料，眉豆口感粒粒分明🔸紅豆糕：紅豆🫘甜得黎口感香軟2⃣️桃膠楊枝甘露🥭 $38💖見到呢個好吸引即刻要埋。份量足，整體味道唔會幾甜，啱晒亞洲人嘅口味！芒果塊大又香甜，西柚帶微澀味，再加上西米、椰汁等。最底有好多桃膠，美顏又健康～💖佢地仲有好多中式甜品同糖水，下次要試埋😋！而家又臨近新年，一家人👨‍👩‍👧‍👦飯後食啲中式甜品都唔錯。