Video
Read full review
2022-07-16
1340 views
Da Vincenzo位於大角咀博文街。餐廳面積細細，室內設計都充滿意大利小鎮風情。紅色嘅磚牆身，各式各樣嘅酒樽，有一面意大利國旗同一個不斷播放當地風景嘅電視。原來老闆/主廚係意大利人，佢想將自己家鄕嘅情懷帶到嚟香港。朋友想飲白酒。店員介紹咗兩枝俾我哋。我哋心大心細唔知揀邊枝好，店員服務好周到，倒晒兩杯俾我哋試飲！結果我哋揀咗一枝比較Dry嘅Soave $288。薄餅方面，選擇頗多，配料以經典組合為主，例如蕃茄醬、水牛芝士、巴馬臣芝士、新鮮羅勒再加一款、兩款其他材料。薄餅長方形，屬於薄批。批邊卜卜脆，餅底中心柔軟，富小麥香。份量頗大，足夠二人份。如果+$20，仲可以half and half，一次過試晒兩種口味。我哋選擇咗一半Pizza Alla Diavola 同一半Pizza Con Salame Di Cinghiale e Funghi; 即係辣肉腸同野豬辣肉腸配什菌。兩款薄餅都好味，不過可能食慣咗多配料，我比較鍾意後者多啲。意大利粉就點咗Tagliatelle Alla Boscaiola蕃茄醬扭扭粉配意大利豬肉腸，青豆，牛肝菌和雜菌（$148）意粉係自家製，有蛋香，而且煙靭
朋友想飲白酒。店員介紹咗兩枝俾我哋。我哋心大心細唔知揀邊枝好，店員服務好周到，倒晒兩杯俾我哋試飲！結果我哋揀咗一枝比較Dry嘅Soave $288。
薄餅方面，選擇頗多，配料以經典組合為主，例如蕃茄醬、水牛芝士、巴馬臣芝士、新鮮羅勒再加一款、兩款其他材料。薄餅長方形，屬於薄批。批邊卜卜脆，餅底中心柔軟，富小麥香。份量頗大，足夠二人份。如果+$20，仲可以half and half，一次過試晒兩種口味。
我哋選擇咗一半Pizza Alla Diavola 同一半Pizza Con Salame Di Cinghiale e Funghi; 即係辣肉腸同野豬辣肉腸配什菌。兩款薄餅都好味，不過可能食慣咗多配料，我比較鍾意後者多啲。
意大利粉就點咗Tagliatelle Alla Boscaiola蕃茄醬扭扭粉配意大利豬肉腸，青豆，牛肝菌和雜菌（$148）意粉係自家製，有蛋香，而且煙靭，一食就食得出同其他機製意粉嘅分別。廚師將意粉煮得al dente ，蕃茄汁沾滿麵條，清新滋味。
我哋最後試咗兩款甜品，Tiramisu 及Ricotta Cheesecake。Tiramisu 嘅手指餅太濕，我覺得好似飲咗一啖咖啡咁，而芝士蛋糕就比較乾同實。下次或者我會試吓另外嗰啲甜品。
因為餐廳座位唔多，我建議大家如果想來試的話，一定要先訂枱。
Soave
$288
38 views
0 likes
0 comments
Half & Half Pizza
46 views
0 likes
0 comments
蕃茄醬扭扭粉配意大利豬肉腸，青豆，牛肝菌和雜菌
$148
52 views
0 likes
0 comments
Tiramisu
61 views
0 likes
0 comments
Ricotta Cheesecake
30 views
0 likes
0 comments
Post
