小老板 (太安樓)

Open Now

Now Closed

又來一個人的浪漫，今晚自己一個人食晚餐。坐得餐廳多，有時都鍾意轉下口味，今日難得出去西灣河，就支持下小店。久違了的上海點心，細細個好鍾意食。呢啲全人手製作，即叫即做的小店已經買少見少了。今晚就嚟番餐上海小食外賣放題作晚餐吧。上海點心小食嘅好處，就係可以樣樣都細細份，但又可以様様都食到。今晚就點了一份窩貼、蒸菜餃、小籠包、生煎包、蔥油餅，再加上一個超香花生的擔擔麵。窩貼、餃子、小籠包都肉香多汁，尤其餃子皮與別不同，豐有口感，平民價錢但高質。目測老闆及員工埋首密密在店內包著不同餃子，就連煎pan都忙過不停。尤其蒸類即叫即蒸，所以都需要耐心等待。